අමාත්යංශ ලේකම් පත් වූ විගසම විශ්රාම යයි..
Monday, 30 September 2024 - 14:51 | Views - 245
නව රජය බලයට පත්වීමත් සමඟ අමාත්යාංශ 17ක් සඳහා ඉකුත් අඟහරුවාදා නව ලේකම්වරු පත් කළ අතර, රාජ්ය පරිපාලන, ස්වදේශ කටයුතු, පළාත් සභා සහ පළාත් පාලන අමාත්යාංශ ලේකම් ධුරයට යළි පත් කෙරුණේ, පසුගිය රජය සමයේදී එම ධුරය දැරූ ප්රදීප් යසරත්න යි.
කෙසේ වෙතත්, ප්රදීප් යසරත්න ධුරයෙන් ඉවත්වන බව, පසුගිය සිකුරාදා අදාළ අමාත්යාංශ නිලධාරීන්ට දැනුම් දී තිබුණා.
දෙසැම්බර් මාසයේදී රාජ්ය සේවයෙන් විශ්රාම යාමට නියමිතව තිබුණත්, පෞද්ගලික අවශ්යතාවක් මත ඊට පෙර විශ්රාම ගැනීමට ප්රදීප් යසරත්න ඉල්ලීමක් කර තිබූ අතර, ඒ අනුව අද (30) සිට ධුරයෙන් ඉවත් වූ බව ඔහු සඳහන් කර තිබෙනවා.
ඒ අනුව, අධිකරණ, රාජ්ය පරිපාලන, ස්වදේශ කටයුතු, පළාත් සභා හා පළාත් පාලන සහ කම්කරු අමාත්යාංශ ලේකම් ධුරය නැවතත් පුරප්පාඩු වී තිබෙනවා.
Share This Article