නව ඇමති මණ්ඩලය දිවුරුම් දීම , අද ?
Tuesday, 24 September 2024 - 8:12 | Views - 688
ජනාධිපති අනුර කුමාර දිසානායක යටතේ පිහිටුවනු ලබන නව කැබිනට් මණ්ඩලය බොහෝ දුරට අද (24) දිනයේ දී දිවුරුම් දෙනු ඇති බව වාර්තා වෙනවා.
දේශපාලන ආරංචි මාර්ග සඳහන් කරන්නේ, මහ මැතිවරණය පැවැත්වීමේ අරමුණින් මෙම දිවුරුම් දීම සිදුවනු ඇති බවයි.
ජාතික ජන බලවේගය නියෝජනය කරමින් ජනාධිපතිවරයා ද ඇතුළුව සිව්දෙනෙකු පාර්ලිමේන්තුවේ රැඳී සිටින අතර, ඔවුන්ට කැබිනට් අමාත්ය ධුර හිමි වෙනු ඇති.
ඒ ජනාධිපතිවරයාගෙන් හිස් වූ මන්ත්රී ධුරය වෙනුවෙන්, ලක්ෂ්මන් නිපුණආරච්චි එක්කිරීමත් සමඟයි.
කෙසේවෙතත්, අමාත්ය මණ්ඩලය දිවුරුම් දීමෙන් පසු ජනාධිපති අනුර කුමාර දිසානායක විසින් කැබිනට් මණ්ඩලය රැස්කර පාර්ලිමේන්තු මැතිවරණයක් සඳහා මුදල් වෙන්කර ගැනීමෙන් අනතුරුව පාර්ලිමේන්තුව විසුරුවා හරිනු ඇති බවයි දේශපාලන ආරංචි මාර්ග වැඩිදුරටත් සඳහන් කරන්නේ.
Share This Article