ජනපති සටනෙන් පසුව එන , පුංචි ඡන්දය ?
Friday, 23 August 2024 - 13:36 | Views - 278
ඉකුත් වසරේ මාර්තු මස 09 වනදා පැවැත්වීමට නියමිතව තිබූ පළාත් පාලන ඡන්ද විමසීම ජනාධිපතිවරණයෙන් පසුව පැවැත්වීමට කටයුතු කරන බව මැතිවරණ කොමසාරිස් ජනරාල් සමන් ශ්රී රත්නායක පවසනවා.
එම ඡන්ද විමසීම හැකි ඉක්මණින් පවත්වන්නැයි ශ්රේෂ්ඨාධිකරණය මැතිවරණ කොමිසමට කළ නියෝගය සම්බන්ධයෙන් අදහස් පළ කරමින් ඔහු සඳහන් කළා.
මේ අවස්ථාවේදී ප්රමුඛතාවය තියෙන්නේ ජනාධිපතිවරණයට බවත් පසුව පළාත් පාලන මැතිවරණය පැවැත්වීමට කටයුතු කරන බව මැතිවරණ කොමසාරිස් ජනරාල්වරයා කියා සිටියා.
ඉකුත් වසරේ මාර්තු මස 09 වනදා පැවැත්වීමට නියමිතව තිබූ පළාත් පාලන ඡන්ද විමසීම නොපැවැත්වීම තුළින් මුදල් අමාත්යවරයා ලෙස ජනාධිපතිවරයා සහ එවක මැතිවරණ කොමිසමේ සාමාජිකයින් මූලික මිනිස් අයිතිවාසිකම් උල්ලංඝනය කර ඇතැයි ශ්රේෂ්ඨාධිකරණය ඊයේ (22) තීන්දු කළා.
ඒ අනුව ශ්රේෂ්ඨාධිකරණය මැතිවරණ කොමිසමට නියෝග කළේ පළාත් පාලන ඡන්ද විමසීම හැකි ඉක්මණින් පැවැත්වීමට අවශ්ය පියවර ගන්නා ලෙසයි.
Share This Article