වඳුරු උණ මරණ 548 දක්වා ඉහළට..
Tuesday, 20 August 2024 - 8:51 | Views - 254
වඳුරු උණ හෙවත් ‘එම් පොක්ස්’ වයිරසය ආසාදනය වී, මියගිය ගණන මේ වනවිට 548 තෙක් ඉහළ ගොස් ඇතැයි ලෝක සෞඛ්ය සංවිධානය පවසනවා.
අප්රිකා රටවල වේගයෙන් ව්යාප්ත වෙමින් පවතින ‘එම් පොක්ස්’ වයිරසය, මේ වනවිට ගෝලීය සෞඛ්ය අවදානමක් ඇති කිරීමට ද සමත් වී ඇතැයි ලෝක සෞඛ්ය සංවිධානය අනතුරු ඇඟවීමක් ද නිකුත් කළා.
එසේම, අප්රිකා රටවලින් හමුවුණු වඳුරු උණ ආසාදිතයන් ගණන 15,664 ක් බව ද සඳහන්.
අප්රිකා රටවල ආසාදිතයන් බොහෝ දෙනකු රෝහල්වලට නොගොස් රෝගය සුව කර ගැනීමේ අරමුනින් පල්ලිවල යාඥා සඳහා සහභාගී වී ඇති අතර එය රෝග ව්යාප්තිය වේගවත් කිරීමට හේතුවක් වී ඇති බවද සඳහන්.
තවද, අප්රිකා රටවල, මේ වනවිට ව්යාප්ත වෙමින් පවතින්නේ ‘එම් පොක්ස්’ වයිරසයේ නව ප්රභේදයක්.
මෙම ප්රභේදය බිහිසුණු බවද විදෙස් මාධ්ය වාර්තා කර තිබුණා.
නව ප්රභේදය රටවල් 13 කට පැතිරී ඇති බවටයි සෞඛ්ය අංශ පෙන්වා දෙන්නේ.
එම රටවල් අතරින් වඳුරු උණ ව්යාප්තිය දරුණුවට සිදුවන්නේ කොංගෝ ජනරජයේ බවද සඳහන්.
( ලංකාදීප )
Share This Article