වැසි තත්ත්වයේ තාවකාලික අඩුවීමක්..
Saturday, 20 July 2024 - 7:39 | Views - 488
මේ දිනවල පවත්නා කාලගුණ තත්වය ගැන බොහෝ දෙනෙක් උනන්දු වෙනවා.
ඒ නිසාමයි අද දවසේ කාලගුණයේ හැසිරීම ඔබ වෙතට ගෙන එන්නේ.
සක්රීය නිරිත දිග මෝසම් තත්ත්වය හේතුවෙන් දිවයින හරහා දැනට පවතින සුළං තත්ත්වය තවදුරටත් බලාපොරොත්තු විය හැකි බව කාලගුණ විද්යා දෙපාර්තමේන්තුව නිවේදනයක් නිකුත් කරමින් පවසනවා.
ඉදිරි දින කිහිපයේදී දිවයිනේ වැසි තත්ත්වයේ තාවකාලික අඩුවීමක් බලාපොරොත්තු විය හැකි බවයි සඳහන් වන්නේ.
බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්රික්කවලත් සිහින් වැසිවාර කිහිපයක් ඇතිවිය හැකියි.
මධ්යම කඳුකරයේ බටහිර බැවුම් ප්රදේශවල සහ උතුරු, උතුරු මැද සහ වයඹ පළාත්වලත් ත්රිකුණාමලය, මොණරාගල සහ හම්බන්තොට දිස්ත්රික්කවලත් විටින් විට තද සුළං ඇති විය හැකි බවයි සඳහන් වන්නේ.
දිවයිනේ සෙසු ප්රදේශවල විටින් විට තරමක තද සුළං ඇතිවිය හැකි බව ද එම නිවේදනයේ වැඩිදුරටත් සඳහන් වෙනවා.
Share This Article