කඩයිම් විභාගය නොවැම්බරයේ , මෙන්න පළමු හෙළිදරව්ව..
Tuesday, 11 June 2024 - 13:19 | Views - 424
මේ වසරේදී උසස් පෙළ විභාගය නොවැම්බර් මාසයේ ආරම්භ කිරීමට සැලසුම් කර ඇති බවත්, එය 2025 වර්ෂයේ සිට සැප්තැම්බර් මාසයේ දී පැවැත්විය හැකි බවත් අධ්යාපන අමාත්ය සුසිල් ප්රේමජයන්ත පවසනවා.
අමාත්යවරයා මේ බව සඳහන් කර සිටියේ, ආපසු උසස් පෙළ විභාගයෙන් දිවයිනේ විශිෂ්ට ප්රතිඵල ලබා ගත් සිසු සිසුවියන් ඇගයීම වෙනුවෙන් අධ්යාපන අමාත්යවරයාගේ ප්රධානත්වයෙන් අධ්යාපන අමාත්යාංශයේ පැවති වැඩසටහනකට එක් වෙමින්.
අපොස සාමාන්ය පෙළ විභාගය අවසන් වූ වහාම උසස් පෙළ අධ්යන කටයුතු ආරම්භ කර විශ්වවිද්යාල ප්රවේශයද කඩිනම් කිරීමෙන් දරුවන්ගේ කාලය අපතේ යෑම වැළැක්වීම සඳහා අධ්යාපන අමාත්යාංශය අදාළ පියවර ගනිමින් සිටින බවයි අමාත්යවරයා එහිදී සඳහන් කළේ.
මෙහිදී වැඩිදුරටත් අදහස් දක්වමින්, අමාත්යවරයා ප්රකාශ කළේ ප්රතිඵල නිකුත් වීමටත් ප්රථම උසස් පෙළ අධ්යන කටයුතු ආරම්භ කිරීමේ අභියෝගයට සාර්ථකව මුහුණ දෙමින් මේ වන විට ආරම්භ කර ඇති උසස් පෙළ විෂය ධාරාව සාමාන්ය පෙළ ප්රතිඵල නිකුත් වූ පසුවත් අඛණ්ඩව ඉදිරියට ගෙන යන බවයි.
Share This Article