ASIA MIRACLE සම්මාන උළෙලේදීත් හිරු මාධ්‍ය ජාලයට සම්මාන රැසක්..(Video)|Hiru TV Blog

ASIA MIRACLE සම්මාන උළෙලේදීත් හිරු මාධ්‍ය ජාලයට සම්මාන රැසක්..(Video)

Thursday, 30 May 2024 - 21:54 | Views - 245

ASIA MIRACLE සම්මාන රැසකින් හිරු මාධ්‍ය ජාලය පිදුම් ලබයි.

අද (30) පැවැති ASIA MIRACLE 2024 සම්මාන රාත්‍රියේදී හිරු මාධ්‍ය ජාලය ඉහළ පෙළේ සම්මාන රැසකින් පිදුම් ලැබීමට සමත් වුණා.

බත්තරමුල්ල, වෝටර්ස් ඒජ් පරිශ්‍රයේ පැවති එම සම්මාන උළෙළේදී හිරු මාධ්‍ය ජාලයේ,

වඩාත් ජනප්‍රිය රූපවාහිනී නාලිකාව ලෙස 'හිරු TV' ත්,

වඩාත් ජනප්‍රිය ප්‍රවෘත්ති නාලිකාව වශයෙන් 'හිරු ප්‍රවෘත්ති' ත්,

වඩාත් ජනප්‍රිය රියැලිටි වැඩසටහන ලෙස 'HIRU STAR' ත්,

වඩාත් ජනප්‍රිය ටෙලි නාට්‍යය ලෙස 'රැල්ල වෙරළට ආදරෙයි' ටෙලි නාට්‍යයත්,

වඩාත් ජනප්‍රිය දේශපාලන වැඩසටහන ලෙස හිරු TV 'සළකුණ' වැඩසටහනත්,

වඩාත් ජනප්‍රිය ෆේස්බුක් ප්‍රවෘත්ති සන්නාමය ලෙස HIRU NEWS ෆේස්බුක් පිටුවත්,

වඩාත් ජනප්‍රිය ප්‍රවෘත්ති වෙබ් නාලිකාව ලෙස www.hirunews.lk වෙබ් අඩවියත්,

වඩාත් ජනප්‍රිය ටික් ටොක් ගිණුම ලෙස හිරු නාලිකාවේ ටික් ටොක් ගිණුමත්,

වඩාත් ජනප්‍රිය රූපවාහිනී නිවේදකයා ලෙස චමුදිත සමරවික්‍රමත් සම්මානයට පාත්‍ර වුණා.

එමෙන්ම, නවීන තාක්ෂණය යටතේ නිරන්තරයෙන් යාවත්කාලින වෙමින් පුලුල් ජනතා මෙහෙවරක යෙදෙන හිරු මාධ්‍ය ජාලය අද පස්වරුවේ ජාත්‍යන්තර සම්මානයටද පාත්‍රවීමට සමත් වුණා.

ඒ සිංගප්පූරුවේ පැවති '2024 Asia-Pacific Broadcasting+' සම්මාන උළෙලේදී ජාත්‍යන්තර සම්මාන ද්විත්වයක් හිමිකර ගනිමින්.

එහිදී, 'ආසියානු පැසිපික් කලාපයේ විශිෂ්ටතම රූපවාහිනී සහ ගුවන්විදුලි ඩිජිටල්කරණයට' හිමි සම්මානය මෙන්ම, 'ආසියානු පැසිපික් කලාපයේ යාවත්කාලීනම අධි තාක්ෂණික මාධ්‍ය නාලිකාවට' හිමි සම්මානයත් යන සම්මාන‍යන් ද්විත්වයම හිමිකර ගැනීමට හිරු මාධ්‍ය ජාලය සමත් වුණා.