ඇයට අත්වුණේ කාටවත් හිතාගන්න බැරි ඉරණමක්.. අනියම් පෙමක් රහ වැටුණු සැමියා ඇගේ ජීවිතයට කළ දේ..|Hiru TV Blog

ඇයට අත්වුණේ කාටවත් හිතාගන්න බැරි ඉරණමක්.. අනියම් පෙමක් රහ වැටුණු සැමියා ඇගේ ජීවිතයට කළ දේ..

Tuesday, 28 May 2024 - 11:17 | Views - 442

අනියම් පෙමක් නිසා තමන්ගේ බිරිඳට සැමියෙක් කළ අපරාධයක් ගැනයි මේ කතාව..

ඒ කතාව වාර්තා වෙන්නේ මුලතිව් ප්‍රදේශයෙන්..

මුලතිව්, මුල්ලියාවලෙයි, බූටන්වයල් ගම්මානයේ කාන්තාවක් ළිඳකට පැන සිය දිවි හානි කරගත් බව ඇගේ සැමියා විසින් පොලිසියට ප්‍රකාශ කළද, එය මිනීමැරුමක් බවට තහවුරු වීමෙන් අනතුරුව ඇයගේ සැමියා ඇතුලු තිදෙනෙකු මුල්ලියාවලෙයි පොලිසිය විසින් ඊයේ අත්අඩංගුවට ගෙන තිබෙනවා...

වවුනියාව, ආච්චිපුරම් ගම්මානයේ පදිංචිව සිටි 23 හැවිරිදි එස්. සුදර්ශනී නැමති කාන්තාව මුලතිව් ප්‍රදේශයේ පුද්ගලයෙකු සමග විවාහ වී තිබෙනවා...

කළක් ගතවීමේදී ඇගේ සැමියා එම ප්‍රදේශයේම වෙනත් කාන්තාවන් දෙදෙනෙකු සමග අනියම් ඇසුරක් පවත්වා ගෙන ගොස් ඇති අතර, එම කාන්තාවන්ගේ බහට අවනත වී සිය බිරිඳගේ ගෙළ සිරකොට ඝාතනය කර සිරුර ළිඳට දමා ඇති බවයි වාර්තාකරු පවසන්නේ..

අනතුරුව සිය බිරිඳ ළිඳට වැටුණු බව කියමින් කෑ ගසද්දී අසල පිරිසක් පැමිණ ඇයව ගොඩගෙන මුල්ලියාවලෙයි රෝහලට රැගෙන ගොස් තිබෙනවා..

එහිදී දේහය පිළිබඳව පැවති පශ්චාත් මරණ පරීක්ෂණයේදී කාන්තාව ළිඳට වැටීමට පෙර හුස්ම හිරවීමෙන් ජීවිතක්ෂයට පත්ව ඇති බවත්, ඒ හේතුවෙන් , එය ඝාතනයක් බවටත් අධිකරණ වෛද්‍යවරයා විසින් තීන්දු කර තිබෙනවා..

ඒ අනුව, සැකපිට ඇයගේ ස්වාමියා මුල්ලියාවලෙයි පොලිසිය විසින් අත් අඩංගුවට ගෙන සිදුකළ ප්‍රශ්නකිරීම හමුවේ සැමියා විසින් සිදුවීම පාපොච්චාරණය කර ඇති අතර, සැකපිට අනියම් ඇසුර පවත්වා ගෙන ගියා යැයි පැවසෙන කාන්තාවන් දෙදෙනාද පොලිසිය විසින් අත්අඩංගුවට ගෙන තිබෙනවා..

Share This Article