අද පැවැත්වෙන සියලු මැයි දින පෙළපාලි හා රැළි ගැන තොරතුරු මෙතනින්.. (Live)|Hiru TV Blog

අද පැවැත්වෙන සියලු මැයි දින පෙළපාලි හා රැළි ගැන තොරතුරු මෙතනින්.. (Live)

Wednesday, 01 May 2024 - 14:31 | Views - 713

සමගි ජන බලවේගය සමගි ජන සන්ධානයේ මැයි රැළිය අද (01) පස්වරු 3.00ට කොළඹ කොටුව චැතැම් වීදීයේදී පැවැත්වීමට නියමිතයි.

සමගි රටක් - අනගි හෙටක් යන්න මෙවර එහි තේමාවයි.

සමගි ජන බලවේගය ප්‍රමුඛ සමගි ජන සන්ධානයේ මැයි දින රැළිය කොළඹ පහළ චැතැම් වීදියේදී අද පැවැත්වෙන්නේ විපක්ෂ නායක සජිත් ප්‍රේමදාසගේ ප්‍රධානත්වයෙන්.

එම මැයි රැළියට සහභාගී වීම සඳහා දුර බැහැර ප්‍රදේශවල සිට ජනතාව පැමිණියේ මෙලෙසින්.

අද පස්වරු 1.00ට AE ගුණසිංහ ක්‍රීඩාංගනයෙන් මැයි දින පෙළපාලිය ආරම්භවන අතර, පස්වරු 3.00ට මැයි දින රැළිය ආරම්භ වීමට නියමිතයි.

සමගි රටක් - අනගි හෙටක් යන්න මෙවර සමගි ජන සන්ධාන මැයි රැළියේ තේමාවයි.

මීට අමතරව, සමගි ජන සන්ධානය අද (01) පෙරවරුවේ වතුකරයේ ද මැයි රැළියක් සංවිධාන කර තිබුණා.

තලවකැලේ නගර සභා ක්‍රීඩාංගනයේ පැවැති මෙම මැයි දින රැළියට විපක්ෂ නායක සජිත් ප්‍රේමදාස ද සහභාගී වුණා.

--------------

මේ අතර, තවත් දේශපාලන පක්ෂ හා කණ්ඩායම් කිහිපයක් ජාත්‍යන්තර කම්කරු දිනය වෙනුවෙන් මැයි දින රැළි සංවිධානය කර තිබෙනවා.

---------------

ශ්‍රී ලංකා පොදුජන පෙරමුණේ මැයි දින රැළිය අද පස්වරු 3.00ට බොරැල්ල කැම්බල් පිටියේදී පැවැත්වෙන්නේ හිටපු ජනාධිපති මහින්ද රාජපක්ෂගේ ප්‍රධානත්වයෙන්.

දිනන රටක් - එක ගමනක් යන්න ශ්‍රී ලංකා පොදුජන පෙරමුණේ මෙවර මැයි දිනයේ තේමාවයි.

ශ්‍රී ලංකා පොදුජන පෙරමුණේ මැයි දින රැළිය සඳහා සහභාගී වීමට දිවයිනේ විවිධ ප්‍රදේශවල ජනතාව අද (01) උදෑසන සිට පැමිණෙන අයුරුද දක්නට ලැබුුණා.

--------------

රට හදන විසඳුමට - ජන බලය එක පෙළට යන තේමාවෙන් ජාතික ජන බලවේගයේ කොළඹ රැළිය විහාරමහාදේවී උද්‍යානය අසල සී.ඩබ්ලිව්.ඩබ්ලිව්.කන්නන්ගර මාවතේදී පැවැත්වෙනවා.

Share This Article