ලෝක චෙස් ඉතිහාසය වෙනස් කළ 11 හැවිරිදි බෝධනා.. ඉතිහාසයේ ළාබාලතම කාන්තා ග්‍රෑන්ඩ්මාස්ටර්වරිය ලෙස තැබූ විස්මිත වාර්තාව..|Hiru TV Blog

ලෝක චෙස් ඉතිහාසය වෙනස් කළ 11 හැවිරිදි බෝධනා.. ඉතිහාසයේ ළාබාලතම කාන්තා ග්‍රෑන්ඩ්මාස්ටර්වරිය ලෙස තැබූ විස්මිත වාර්තාව..

Tuesday, 29 September 2026 - 16:16 | Views - 29

ලෝක චෙස් ක්ෂේත්‍රයේ ඓතිහාසික සන්ධිස්ථානයක් සටහන් කරමින්, ඉතිහාසයේ ළාබාලතම කාන්තා ග්‍රෑන්ඩ්මාස්ටර්වරිය (Woman Grandmaster) බවට පත්වීමට 11 හැවිරිදි බ්‍රිතාන්‍ය චෙස් ක්‍රීඩිකා බෝධනා සිවානන්දන් (Bodhana Sivanandan) සමත්ව ඇති බව විදෙස් මාධ්‍ය වාර්තා කරනවා.

46 වැනි චෙස් ඔලිම්පියාඩ් තරගාවලියේදී දැක්වූ අතිවිශිෂ්ට දක්ෂතාවන් පදනම් කරගනිමින් ඇයට මෙම ගෞරවනීය තනතුර හිමිව තිබෙනවා. උස්බෙකිස්තානයේ සමර්කන්ඩ් නුවර පැවැති මෙම තරගාවලියේදී බෝධනා තරග වැදී තිබෙන්නේ බ්‍රිතාන්‍යයේ එංගලන්ත කණ්ඩායම නියෝජනය කරමින්. චෙස් ක්‍රීඩාවේ කාන්තා අංශයෙන් ක්‍රීඩිකාවකට ලබාගත හැකි ඉහළම සහ උසස්ම තනතුර වන්නේ මෙම කාන්තා ග්‍රෑන්ඩ්මාස්ටර් තනතුරයි.

මීට පෙරද බ්‍රිතාන්‍යයේ ළාබාලතම කාන්තා චෙස් ශූරිය ලෙසත්, ඕනෑම ක්‍රීඩාවකින් ජාත්‍යන්තර තරගාවලියක් සඳහා එංගලන්තය නියෝජනය කළ ළාබාලතම ක්‍රීඩිකාව ලෙසත් වාර්තා අතරට එක්ව සිටි බෝධනා, මෙවර ලෝක වාර්තාවක්ද තමන් සතු කරගැනීමට සමත් වුණා.

තමන් කිසිදු පීඩනයක් නොගෙන තරගය උපරිමයෙන් විඳිමින් ක්‍රීඩා කිරීමට පමණක් උත්සාහ කළ බව මෙම දැවැන්ත තරගාවලියේ ඉහළම පුවරුවේ (Top board) තරග කිරීමේදී විශාල පීඩනයක් දැනුණේ දැයි මාධ්‍යවේදීන් නැඟූ ප්‍රශ්නයට පිළිතුරු දෙමින් ඇය පවසා තිබෙනවා.