ශ්‍රී ලාංකීය අනන්‍යතාව ප්‍රතික්ෂේප කළ මෛත්‍රී රාමක්‍රිෂ්ණන්.. Netflix තරුවට එරෙහිව සමාජ මාධ්‍ය කැළඹෙයි..|Hiru TV Blog

ශ්‍රී ලාංකීය අනන්‍යතාව ප්‍රතික්ෂේප කළ මෛත්‍රී රාමක්‍රිෂ්ණන්.. Netflix තරුවට එරෙහිව සමාජ මාධ්‍ය කැළඹෙයි..

Wednesday, 23 September 2026 - 15:36 | Views - 34

ජනප්‍රිය Netflix රංගන ශිල්පිනියක වන මෛත්‍රී රාමක්‍රිෂ්ණන්ගේ (Maitreyi Ramakrishnan) අනන්‍යතාව සම්බන්ධයෙන් මේ වන විට සමාජ මාධ්‍ය ජාලා තුළ දැඩි උණුසුම් සංවාදයක් සහ විරෝධයක් මතුව තිබෙනවා.

ඊට ප්‍රධානතම හේතුව වී ඇත්තේ ඇය තමන් ශ්‍රී ලාංකිකයෙකු ලෙස හඳුන්වා දීම ප්‍රතික්ෂේප කරමින්, කැනේඩියානු ජාතිකයෙකු සහ දෙමළ සංස්කෘතික පසුබිමක් සහිත අයෙකු ලෙස තමන්ව නිරූපණය කිරීමයි.

එමෙන්ම ඇයගේ ස්වදේශීය අනන්‍යතාව ‘ඊළාම් දෙමළ’ ලෙස ප්‍රකාශ කිරීම සම්බන්ධයෙන්ද බොහෝ දෙනෙකුගේ අවධානය යොමුවී තිබෙනවා.

ඇයගේ Instagram ගිණුමේ සටහන් සහ Netflix හි ‘Best of the Best’ චිත්‍රපටය සම්බන්ධයෙන් පළ කර ඇති සටහන් යටතේ මේ පිළිබඳව විවිධ අදහස් පළ වෙමින් පවතිනවා.

ශ්‍රී ලංකාවෙන් විදේශගත වූ දෙමාපියන් සිටියදී තම මව්බිමේ අනන්‍යතාව මෙලෙස ප්‍රතික්ෂේප කිරීම සහ එය ලෝකය හමුවේ වැරදි ලෙස නිරූපණය කිරීම පිළිගත නොහැකි බවට ඇතැම් පිරිස් චෝදනා කරනවා.

කෙසේ වෙතත්, පුද්ගලයෙකුගේ සංස්කෘතික පසුබිම සහ අනන්‍යතාව තීරණය කිරීමට ඕනෑම අයෙකුට අයිතියක් ඇති බව කියමින් තවත් පිරිසක් ඇයව ආරක්ෂා කරමින් අදහස් දක්වනවා.

සැප්තැම්බර් 18 වැනිදා ඇයගේ නවතම චිත්‍රපටය නිකුත් වීමත් සමඟ මෙම සංවාදය සමාජ මාධ්‍ය තුළ තවදුරටත් උණුසුම් වී ඇති බව වාර්තා වෙනවා.