බත්තරමුල්ලේදී මෝටර් රියක් හදිසියේ ගිනිගනියි.. (Photos)
Friday, 22 November 2024 - 14:15 | Views - 302
බත්තරමුල්ල නගරය හරහා ධාවනය වූ සුඛෝපභෝගි මෝටර් රථයක හදිසියේ ඇති වූ ගින්නක් හේතුවෙන් එම රථය සම්පූර්ණයෙන්ම ගිනිගෙන විනාශ වී තිබෙනවා. කෝට්ටේ මහ නගර සභාවේ ගිනි නිවීම් ඒකකය පවසන පරිදි මේ ගින්නෙක් කිසිවෙකුටත් හානියක් වී නොමැති අතර , රථයට පමණක් දැඩි ලෙස අලාභ හානි වී ඇති බවද සඳහන්. අද (22) දා , බත්තරමුල්ල දෙස සිට කොස්වත්ත දෙසට ධාවනය වූ මෙම මෝටර් රථයේ ඉදිරිපසින් කිසියම් දුමක් පිටව ඇති අතර, පසුව එය ගින්නක් දක්වා වර්ධනය වී තිබෙනවා. අනතුරුව , රථයේ පැමිණි පිරිස හා ප්රදේශවාසීන් එක්ව එම ගින්න පාලනය කිරීමට උත්සාහ දැරුවත් එය ව්යර්ථ වීම හේතුවෙන් කෝට්ටේ මහ නගර සභාවට අයත් ගිනි නිවීම් ඒකකයට දන්වා ඇති අතර, ඔවුන් ගින්න පාලනය කිරීමට කටයුතු කර තිබෙනවා.


Share This Article