ඇල්පිටියේ පුංචි ඡන්දය හෙට
Friday, 25 October 2024 - 8:12 | Views - 264
ඇල්පිටිය ප්රාදේශීය සභා ඡන්ද විමසීම සඳහා අවශ්ය සියලු නිලධාරින්, ඡන්ද පත්රිකා සහ අනෙකුත් බඩුබාහිර අදිය අද (25) අදාළ මධ්යස්ථාන වෙත රැගෙන යන බව මැතිවරණ කොමිෂන් සභාව පවසනවා.
ඡන්ද මධ්යස්ථාන 48කදී ඡන්දය ප්රකාශ කිරීම සඳහා ඡන්දදායකයින් 55,643ක් සුදුසුකම් ලබා ඇති අතර 2018 වර්ෂයේ ඡන්දදායක ලියාපදිංචි කිරීමේ නාමලේඛනයට අනුව මෙම ඡන්ද විමසීම පැවැත්වෙන් බව මැතිවරණ කොමිෂන් සභාව නිවේදනය කළා.
මේ අතර, මැතිවරණ කොමිෂන් සභාවේ සභාපති ආර්. එම්. ඒ. එල්. රත්නායක සඳහන් කළේ, හෙට (26) උදෑසන 7 සිට පස්වරු 4 දක්වා ඡන්ද විමසීම සිදුවන අතර ඊට අවශ්ය ආරක්ෂක විධිවිධාන යොදවා ඇති බවයි.
එසේම, පැෆ්රල් සංවිධානයේ විධායක අධ්යක්ෂ රෝහණ හේට්ටිආරච්චි සඳහන් කළේ, ඇල්පිටිය ප්රාදේශීය සභා මැතිවරණයේ ඡන්දය භාවිත කරනු ලබන ස්ථාන සියල්ලෙහිම නිරීක්ෂණ කටයුතු සඳහා තම නිලධාරින් යෙදවීමට කටයුතු කරන බවයි.
Share This Article