විදේශ ගමන් බලපත්‍රය අලුත් වෙලා - ඉක්මණින් ම ගන්න වෙයි ද? (Photos)|Hiru TV Blog

විදේශ ගමන් බලපත්‍රය අලුත් වෙලා - ඉක්මණින් ම ගන්න වෙයි ද? (Photos)

Tuesday, 22 October 2024 - 6:59 | Views - 528

විදේශ ගමන් බලපත්‍ර නිකුත් කිරීමේ අර්බුදය නිමා කරමින් නව ගමන් බලපත්‍ර නිකුත් කිරීමට ආගමන විගමන දෙපාර්තමේන්තුවේ ඊයේ (21) සිට පියවර ගෙන තිබෙනවා.

නව විදේශ ගමන් බලපත්‍රයේ පැහැය වෙනස් කොට ඇති අතර, එය නිල් පැහැයෙන් යුක්තයි.

එමෙන්ම පැරණි විදේශ ගමන් බලපත්‍රයක පිටු 64ක් තිබූ අතර, නව විදේශ ගමන් බලපත්‍රය පිටු 48කින් සමන්විත අතර, නව විදේශ ගමන් බලපත්‍රයේ P අංක භාවිතා කරන අතර, මීට පෙර නිකුත් කර තිබූ විදේශ ගමන් බලපත්‍රවල පැවතියේ N අංකයයි.

තවද නව විදේශ ගමන් බලපත්‍රයේ ඇතුළු පිටු සියල්ලම අලංකාරවත් ඡායාරූප වලින් සමන්විතව තිබෙනවා.

යාපනය නල්ලූර් කෝවිල, ඓතිහාසික ගාල්ල ලන්දේසි කොටු පවුර, ශ්‍රී දළදා මාලිගාව, කොළඹ නෙළුම් කුළුණ, , පොළොන්නරුව ඓතිහාසික ස්ථාන, රිටිපන්න ධීවර කර්මාන්තය, ආරැක්කු නවයේ පාලම, සීගිරිය, තේ වගාව, රබර් කිරි කැපීම, හා ශ්‍රී ලංකාවේ සුප්‍රසිද්ධ සංචාරක ස්ථාන සහ මෙරට සංස්කෘතිය විදහාපාන සාම්ප්‍රදායික කර්මාන්තවල ඡායාරූප වලින්ද නව විදේශ ගමන් බලපත්‍රය සමන්විතයි.

කෙසේ වෙතත්, අද (22) පැවති කැබිනට් රැස්වීමට එක්වෙමින් අමාත්‍ය විජිත හේරත් සඳහන් කළේ, ගුවන් ගමන් බලපත්‍රය ලබා ගැනීමට , මෙතැන් පටන් ජනතාව කලබල විය යුතු නැති බවයි.

එසේම , තවත් ගුවන් ගමන් බලපත්‍ර තොගයක් ලැබීමට නියමිත බැවින් , ඉදිරියේදී කිසිඳු තදබදයකින් තොරව ගුවන් ගමන් බලපත්‍ර ජනතාවට ලබා ගත හැකි බව ද අමාත්‍යවරයා වැඩිදුරටත් සඳහන් කළා.