ටෙන්ඩරයේ අවුල , ගෑස්වලින් ගෑස් පෙන්නයි ද?|Hiru TV Blog

ටෙන්ඩරයේ අවුල , ගෑස්වලින් ගෑස් පෙන්නයි ද?

Wednesday, 09 October 2024 - 12:23 | Views - 342

තරගකාරී ලංසුවක් ඉදිරිපත් කළ ද තම සමාගම විසින් ඉදිරිපත් කළ 2025 වසර සඳහා ගෑස් සැපයුම් ටෙන්ඩරය තාක්ෂණික කරුණු මත බව පවසමින් විවෘත කිරීමට කටයුතු නොකිරීම සම්බන්ධයෙන් ලංසුකාර සමාගම විසින් ජනාධිපති ලේකම් කාර්යාලයේ ප්‍රසම්පාදන කමිටු සභාපතිවරයා වෙත ලිඛිතව දන්වා ඇති බව වාර්තා වෙනවා..

තායිලන්තයේ සියම් ගෑස් සමාගම මෙම ටෙන්ඩරය සඳහා සියලුම තාක්ෂණික සුදුසුකම් සපුරා තිබියදී සම්බන්ධයෙන් ගෑස් ප්‍රවාහන නෞකා සම්බන්ධයෙන් වන තාක්ෂණික පිරිවිතර නොගැළපෙන බවට සඳහන් කරමින් මෙම ටෙන්ඩරය විවෘත කිරීමකින් තොරව ප්‍රතික්ෂේප කර ඇති බවට එම සමාගම චෝදනා කරමින් මෙම ලිපිය මගින් පැමිණිලි කර ඇති බවටයි දැක්වෙන්නේ..

රජයට අයත් ලිට්‍රෝ ගෑස් සමාගම් හිටපු අධ්‍යක්ෂ මණ්ඩලය යටතේ ක්‍රියාත්මක වූ කැබිනට් මණ්ඩලය විසින් පත් කරන ප්‍රසම්පාදන කමිටුව 2025 වසර සඳහා ද ගෑස් මෙට්‍රික් ටොන් 350,000ක් සැපයීම සඳහා වූ ටෙන්ඩරය පෙර සැපයුම්කරුවාට ම ලබාදීමට උත්සාහ දරන බවට වාර්තා වෙනවා..

සියම් ගෑස් සමාගමේ කළමනාකාර අධ්‍යක්ෂ සුපචි විරබෝවොපොන්ග් ජනාධිපති ලේකම් කාර්යාලය වෙත යවා ඇති ලිපිය මගින් සියලු තාක්ෂණික සුදුසුකම් සපුරා ඇති ජාත්‍යන්තර තලයේ සමාගමක් වන සමාගමේ ටෙන්ඩරය ද විවෘත කොට එහි මිල ගණන් සම්බන්ධයෙන් සලකා බැලීමට කටයුතු කරන ලෙසයි..

කරන ලද අභියාචනය සම්බන්ධයෙන් කරුණු විමසීම සඳහා ජනපති කාර්යාලය විසින් අදාළ බලධාරීන් කැඳවා ඇති බව ආරංචි මාර්ග සඳහන් කරනවා..

මව්බිම..

Share This Article