වාහන ආනයනය සහ ලීසිං ගැටලු ගැන නවතම හෙළිදරව්ව
Tuesday, 08 October 2024 - 16:01 | Views - 7,523
ඔක්තෝබර් මාසයේ වාහන ආනයනය කිරීමට අවස්ථාව සලසන බව පැවසුවත්, ඒ පිළිබඳ නිශ්චිත තොරතුරක් නැතැයි ශ්රී ලංකා වාහන ආනයනකරුවන්ගේ සංගමය පවසනවා..
ඔවුන් පෙන්වා දෙන්නේ, එලෙස වාහන ආනයනය කළ ද විශාල ලෙස වාහන මිල පහළ නොයන බවයි..
මේ අතර, වාහන සම්බන්ධ ගැටලු මුල් කරගනිමින් ලීසිං ණය වාරික ගෙවන්නන්ගේ සංගමය ජනාධිපති ලේකම් කාර්යාලයට ලිපියක් භාර දී තිබෙනවා.
ලීසිං වාහන බලහත්කාරයෙන් රැගෙන යෑමට එරෙහිව පියවර ගන්නැයි ඉල්ලමින් ජනාධිපතිවරයාට මෙසේ ලිපියක් භාර දුන් බව ලීසිං ණය වාරික ගෙවන්නන්ගේ සංගමය පවසනවා.
ඒ අනුව, එම සංගමයේ නියෝජිතයින් දෙදෙනෙකුට ජනාධිපති ලේකම්වරයා හමුවීමට අවස්ථාව හිමි වූ අතර, ඔවුන්ගේ ඉල්ලීම ජනාධිපතිවරයා වෙත යොමුකරන බවත් ඉදිරියේදී ජනාධිපතිවරයා සමග සාකච්ඡාවක් ලබා දෙන බවත් එහිදී ජනාධිපති ලේකම්වරයා පවසා තිබෙනවා.
Share This Article