අසත්ය පුවතක් ගැන අධ්යාපන අමාත්යාංශයෙන් දැනුම්දීමක්
Tuesday, 08 October 2024 - 11:44 | Views - 360
රජයේ පාසල්වල ප්රාථමික ශ්රේණිවල සිසුන්ට ලබාදෙනු ලබන දිවා ආහාරය තාවකාලිව නතර කර ඇති බවට පළවන වාර්තා අසත්ය බව අධ්යාපන අමාත්යංශය පවසනවා.
අධ්යාපන අමාත්යංශ ලේකම් තිලකා ජයසුන්දර සඳහන් කළේ, පාසල්වල දිවා ආහාරය ලබාදීමේ වැඩසටහන නතර කර ඇති බවට පසුගිය දින කිහිපය තුළ විවිධ තොරතුරු පැතිර ගොස් ඇති බවයි.
එසේම, එම වාර්තා සියල්ල අසත්ය බවත්, පාසල් ළමුන්ට දිවා ආහාරය ලබාදීමේ වැඩසටහන අඛණ්ඩව ක්රියාත්මක කරන බවත් තිලකා ජයසුන්දර වැඩිදුරටත් සඳහන් කළා.
තවද, අදාළ වැඩසටහන ලබන වසර දක්වා ක්රියාත්මක කිරීමට අවශ්ය ප්රතිපාදන පවතින බව ද ඇය සඳහන් කළා.
එසේම, අද කැබිනට් මණ්ඩල තීරණ දැනුම්දීමේ හමුවේදී ද , මේ පිළිබඳව අදහස් දක්වමින් , අමාත්ය විජිත හේරත් සඳහන් කළේ , කිසි ලෙසකින් හෝ දරුවන්ගේ දිවා ආහාරය ලබා දීම නවතා දමා නොමැති බවයි, එසේම ඒ පිළිබඳව පලවන අසත්ය වාර්තාවලට නොරැවටෙන ලෙසද අමාත්යවරයා ඉල්ලා සිටියා.
Share This Article