“කණගාටුවක් නැද්ද... පොඩ්ඩක් කියලා යන්නකෝ...
මුකුත්ම කියන්න දෙයක් නැද්ද...?”
2020 විවාහක රූ රැජින අවසන් මහා තරගයේ ඇති වූ ආන්දෝලනාත්මක සිදුවීම් සම්බන්ධයෙන් ලෝක විවාහක රූ රැජින වන කැරොලයින් ජූරි සහ නිරූපන ශිල්පිනියක වන චූලා පද්මේන්ද්රන් කුරුඳුවත්ත පොලිසිය විසින් අත්අඩංගුවට ගනු ලැබුවා.
ඒ සාපරාධී බලහත්කාරය පෑම ඇතුළු චෝදනා 3ක් යටතේයි.
මෙම සිදුවීම පසුගිය දින කිහිපයේ වඩාත් ආන්දෝලනයක් ඇතිකළා.
තරගය අවසානයේ නිල ජයග්රාහිකාව වූ පුෂ්පිකා සඳමාලි ද සිල්වා මහත්මිය සඳුදා අලුයම් කාලයේ කුරුඳුවත්ත පොලිසියට ගොස් පැමිණිල්ලක් ඉදිරිපත් කළේ තමාට වූ මෙම ආසාධරණය සම්බන්ධයෙන් නීතිය ක්රියාත්මක කරන ලෙස ඉල්ලමින්.
සිද්ධිය සම්බන්ධයෙන් විමර්ශන ආරම්භ කළ කුරුඳුවත්ත පොලිසිය විත්තිකාර පාර්ශ්ව වෙත පසුගිය අඟහරුවාදා පැමිණ කරුණු දක්වන ලෙස නියෝග කළා.
ඒ අනුව එදින කැරොලයින් ජූරි මහත්මිය පොලිසියට පැමිණියා.
ඒ අනුව පොලිසිය ඊයේ දිනයේ සිදුවීමට අදාළ දෙපාර්ශ්වයටම පැමිණෙන ලෙස යළි දන්වා තිබුණා.
එම දැනුම්දීමට අනුව පැමිණිලිකාර පුෂ්පිකාද සිල්වා මෙන්ම කැරොලයින් ජුරි සහ එදින වේදිකාවට පැමිණි චූලා පද්මේන්ද්රන් යන අයද පොලිසියට පැමිණියා.
පසුව පුෂ්පිකාද සිල්වා මහත්මිය ප්රකාශ කර ඇත්තේ ප්රවෘත්ති සාකච්ඡාවක් පවත්වා කැරොලයින් ජූරි මහත්මිය තමාගෙන් සමාව ගන්නනේ නම් ගැටළුව සමතයකට පත් කර ගැනීමට එකඟ බවයි.
කෙසේ වුවත් කැරොලයින් ජූරි මහත්මිය එය ප්රතික්ෂේප කර තිබෙනවා. ඒ අනුව සාපරාධී බලහත්කාරය පෑම, සාපරාධී බියගැන්වීම, හා සුළු තුවාල සිදු කිරීම යන චෝදනා යටතේ කැරොලයින් ජූරි සහ චූලා පද්මේන්ද්රන් අත්අඩංගුවට ගැනීමට කුරුඳුවත්ත පොලිසිය කටයුතු කළා.
ඊයේ පස්වරුව වනතුරුද ප්රකාශ සටහන් කර ගැනුනු අතර අනතුරුව කැරොලයින් ජූරි සහ චූලා පද්මේන්ද්රන් පොලිස් ඇප මත මුදා හැරියා.
එළැඹෙන 19 වැනිදා අධිකරණය හමුවේ පෙනී සිටින ලෙසට පොලිසිය ඔවුන්ට නියෝග කර තිබෙනවා.
මේ අතර, ලෝක රැජිණගේ කිරුළ ගැළවීමේ සිද්ධිය මෙන්ම ඊයේ වාර්තා වූ මෙම සිද්ධියටත් ජාත්යන්තර මාධ්යයේ ඉඩ වෙන්වී තිබුණේ මෙලෙසින්.