හිතාගන්නවත් පුළුවන්ද Siri ට මෙහෙම දෙයක් වේවි කියලා.. ඇපල් සමාගමෙන් පාරිභෝගිකයින්ට විශේෂ දැනුම්දීමක්..|Hiru TV Blog

හිතාගන්නවත් පුළුවන්ද Siri ට මෙහෙම දෙයක් වේවි කියලා.. ඇපල් සමාගමෙන් පාරිභෝගිකයින්ට විශේෂ දැනුම්දීමක්..

Tuesday, 09 June 2026 - 16:07 | Views - 269

ඔබත් ඇපල් සමාගමේ තාක්ෂණික පෙරළිය ගැන අවදානයෙන් ඉන්න කෙනෙක්ද..?

මේ කියන්න යන්නේ ලෝකයේම අවදාන දිනාගත් තවත් එක් සිද්ධියක් ගැන ඇසෙන කතාවක්.

ලෝක ප්‍රකට ඇපල් (Apple) සමාගම සිය, මෙතෙක් පැවති සාමාන්‍ය 'Siri' හඬ සහායකයා සම්පූර්ණයෙන්ම ප්‍රතිස්ථාපනය කරමින් වඩාත් දියුණු සහ පුද්ගලාරෝපිත කෘතිම බුද්ධි තාක්ෂණයෙන් යුත් 'Siri AI' නිල වශයෙන් හඳුන්වා දී ඇති බව වාර්තා වෙනවා.

නව 'Siri AI' පද්ධතිය Generative AI සහ මහා පරිමාණ භාෂා ආකෘති (LLMs) මත පදනම්ව නිපදවා ඇති අතර, එමඟින් පරිශීලකයාගේ පෙර සන්නිවේදනයන් සහ සන්දර්භය (Context) මනාව වටහා ගනිමින් වඩාත් ස්වාභාවික ලෙස සංවාද පැවැත්වීමේ හැකියාව පවතිනවා.

විශේෂයෙන්ම ඔබගේ අයිෆෝන් (iPhone), මැක් (Mac) හෝ අයිපෑඩ් (iPad) උපාංග තුළ ඇති විවිධ ඇප්ස් (Apps) එකිනෙක සම්බන්ධ කරමින්, සංකීර්ණ විධාන (Complex tasks) ඉතා කෙටි කාලයකින් ස්වයංක්‍රීයව සිදු කිරීමට මෙයට හැකි බවයි ඇපල් සමාගම පවසන්නේ.

කෙසේ වෙතත්, මෙම දැවැන්ත AI නවීකරණයත් සමඟ පරිශීලකයින්ගේ පෞද්ගලික දත්තවල ආරක්ෂාව (User Privacy) සම්බන්ධයෙන් ජාත්‍යන්තර තාක්ෂණික විචාරකයින් සහ ආරක්ෂක විශ්ලේෂකයින් දැඩි කනස්සල්ලක් සහ ප්‍රශ්න කිරීම් මතුකර තිබෙනවා.

ඊට පිළිතුරු දෙමින් ඇපල් සමාගම අවධාරණය කරන්නේ 'Siri AI' හරහා සිදුවන බොහෝ දත්ත සැකසුම් (Data processing) උපාංගය තුළදීම (On-device) සිදුවන බවත්, වලාකුළු පද්ධතිය (Cloud) වෙත යන දත්ත ද දැඩි ලෙස සංකේතනය (End-to-end encrypted) කර ආරක්ෂා කරන බවයි.

වේගයෙන් දියුණු වන කෘතිම බුද්ධි වෙළෙඳපොළ තුළ මයික්‍රොසොෆ්ට් සහ ගූගල් සමාගම් වෙතින් එල්ල වන දැඩි තරගයට සාර්ථකව මුහුණ දීම සඳහා ඇපල් සමාගම තැබූ මෙම නවතම පියවර තාක්ෂණික ලෝකයේ දැවැන්ත පෙරළියක් වනු ඇති බවටද අනාවැකි පළ කරනවා.