ලොවක් ආදරය කළ සුපිරි සිනමා මාලාවේ 6 වැන්න එයි.. ඩිස්නි සමාගම නිකුත් කළ පළමු දර්ශන පෙළත් එක්කම මුළු සිනමා ලෝකයම උඩුයටිකුරු වෙයි..|Hiru TV Blog

ලොවක් ආදරය කළ සුපිරි සිනමා මාලාවේ 6 වැන්න එයි.. ඩිස්නි සමාගම නිකුත් කළ පළමු දර්ශන පෙළත් එක්කම මුළු සිනමා ලෝකයම උඩුයටිකුරු වෙයි..

Saturday, 06 June 2026 - 14:38 | Views - 165

'Ice Age: Boiling Point' චිත්‍රපටයේ පළමු ටීසර් (Teaser) ප්‍රචාරක පටය ඩිස්නි (Disney) සමාගම විසින් එළිදක්වා තිබෙනවා.

මෙමගින් කාගේත් ආදරය දිනාගත් මෙම චිත්‍රපට මාලාවේ දිගු කලක් තිස්සේ බලාපොරොත්තුවෙන් සිටි හයවන කොටසේ (Sixth instalment) පළමු දර්ශන පෙළ දැකගත හැකි බවයි විදෙස් මාධ්‍ය වාර්තා කරන්නේ.

මෙම කෙටි පූර්ව ප්‍රචාරක පටය හරහා රේ රොමානෝ හඬ දායකත්වය සපයන 'මැනී' (Manny) නමැති මැමත්, ඩෙනිස් ලියරි හඬ දායකත්වය සපයන 'ඩියාගෝ' (Diego) නමැති කොටියා, ජෝන් ලෙගුයිසාමෝ හඬ දායකත්වය සපයන 'සිඩ්' (Sid) නමැති කලහකාරී සතා (Sloth), සයිමන් පෙග් හඬ දායකත්වය සපයන මුගටියා වන 'බක්' (Buck) සහ ක්වීන් ලතීෆා හඬ දායකත්වය සපයන 'එලී' (Ellie) යන චරිත නැවතත් ප්‍රේක්ෂකයින් හමුවට රැගෙන එනු ලබනවා.

මීට අමතරව රසිකයින්ගේ දැඩි ආකර්ෂණය දිනාගත් ස්ක්‍රැට් (Scrat), ක්‍රෑෂ් (Crash), එඩී (Eddie) සහ බේබි ස්ක්‍රැට් (Baby Scrat) යන චරිතද මෙවර නැවත පැමිණීමට නියමිතයි.

මෙම දර්ශන පෙළට අනුව, කණ්ඩායම ඩයිනෝසිරයන්ගෙන් පිරුණු භූමි ප්‍රදේශ සහ ලාවා ගංගා මැදින් තවත් එක් අලුත් වික්‍රමයක නිරත වන බවක් පෙනෙන්නට තිබෙනවා.

චිත්‍රපටයේ කථා වස්තුව පිළිබඳ සවිස්තරාත්මක තොරතුරු තවමත් රහසිගතව තබා ඇති අතර, චිත්‍රපටය තිරගත වන දිනය ආසන්න වන විට ඒ පිළිබඳ වැඩිදුර තොරතුරු බලාපොරොත්තු විය හැකි බවයි විදෙස් මාධ්‍ය සඳහන් කරන්නේ.

එසේම, මෙහි සම්පූර්ණ දිගින් යුත් නිල ප්‍රචාරක පටය (Full-length trailer) 2026 අගභාගයේදී පමණ නිකුත් වනු ඇතැයි අපේක්ෂා කෙරෙන බවටයි වාර්තා සඳහන් කර ඇත්තේ.

මෙය 2002 වසරේදී ප්‍රථම වරට තිරගත වෙමින් ලොව වඩාත්ම සාර්ථක වූ සජීවීකරණ චිත්‍රපට (Animated series) මාලාවක් බවට පත් වූ Ice Age සිනමා ඉතිහාසයේ වැදගත් සන්ධිස්ථානයක් සනිටුහන් කරනවා.

මෙහි 'Ice Age: The Meltdown' 2006 වසරේදී නිකුත් වූ අතර, එය ලොව පුරා අමෙරිකානු ඩොලර් මිලියන 660කට වඩා උපයා තිබෙනවා.

ඉන්පසුව 2009 දී 'Ice Age: Dawn of the Dinosaurs' ද, 2012 දී 'Ice Age: Continental Drift' ද සහ 2016 දී 'Ice Age: Collision Course' ද තිරගත වුණා.