ආටිමිස් II මෙහෙයුම අවසානයි.. සඳ වටා ගිය වීරයෝ හෙට යළි පෘථිවියට..
අභ්යවකාශ ඉතිහාසයේ නව පරිච්ඡේදයක් සනිටුහන් කළ ආටිමිස් II (Artemis II) මෙහෙයුමේ නිරත වූ ගගනගාමීන් පිරිස සිය මෙහෙයුම නිමවා හෙට (අප්රේල් 10) යළි පෘථිවියට පැමිණීමට නියමිතවෙලා තිබෙනවා.
නාසා ආයතනයට අනුව, ගගනගාමීන් සිව්දෙනා රැගත් ඔරායන් (Orion) අභ්යවකාශ යානය සිකුරාදා රාත්රී 8.07 ට (ශ්රී ලංකා වේලාවෙන් සෙනසුරාදා අලුයම 5.37 ට) සැන් ඩියාගෝ වෙරළට ඔබ්බෙන් වූ මුහුදට පතිත වීමට නියමිතව තිබෙනවා.
ඉන් අනතුරුව ඔවුන්ව USS John P. Murtha නෞකාව වෙත ආරක්ෂිතව රැගෙන යාමට සියලුම කටයුතු සූදානම් කරලා තිබෙනවා.
මෙම මෙහෙයුමේ සුවිශේෂීත්වය වන්නේ, 1970 වසරේ ඇපලෝ 13 මෙහෙයුම තබා තිබූ සැතපුම් 248,655 ක දුර වාර්තාව අභිබවා යමින් පෘථිවියේ සිට වැඩිම දුරක් ගමන් කළ අභ්යවකාශ යානය ලෙස ඔරායන් ඉතිහාසයට එක් වීමයි.
මෙවර මෙහෙයුම සඳමත ගොඩබැසීමක් සිදු නොකළත්, පෘථිවියට නොපෙනෙන සඳෙහි පිටුපස ප්රදේශය හරහා පියාසර කරමින් ඉතා වැදගත් ඡායාරූප ලබා ගැනීමටත්, යානයේ තාක්ෂණික ක්රියාකාරීත්වය පරීක්ෂා කිරීමටත් ගගනගාමීන් සමත්වුණා.
මෙය ඉදිරියේදී සඳ මත මිනිසුන් පදිංචි කිරීමේ මීළඟ පියවර සඳහා උපකාරී වේවි.