අම්මයි , අත්තම්මයි යන්නම යනකොට , එයාට මාස දෙකයි.. ඒ කඳුළු කතා , හිත්වලින් තාමත් මැකිලා නෑ... (Photos)|Hiru TV Blog

අම්මයි , අත්තම්මයි යන්නම යනකොට , එයාට මාස දෙකයි.. ඒ කඳුළු කතා , හිත්වලින් තාමත් මැකිලා නෑ... (Photos)

Sunday, 21 April 2024 - 14:15 | Views - 405

එදා ඒ කුරුරු මතකය ඔබට වගේම මටත් කිසිදා අමතක නොවේවි..

ඒ වගේමයි ඉන් ජිවිත මියැදුනු ආදරණියයන් සිහිපත් වෙනකොට අදටත් නෙත අග ඉතිරි වෙන්නේ කඳුළක්..

මේ කියන්න යන්නෙත් අන්න ඒ වගේ දෙදෙනෙක් ගැන කතාවක්.. ශාන්තා මායාදුන්න.. අපි හැමෝම දන්නේ ප්‍රවීණ සූපවේදිනියක් හැටියටයි..

ඇය අපේ රටේ ඉවුම් පිහුම් කලාවව අලුත්ම හැඩයක් එක්කල තැනැත්තියක්.. ඒ වගේමයි ඇගේ දියණිය නිසංගා මායාදුන්න.. ඇය බැංකු ක්ශේත්‍රයේ දිදුලන චරිත‍යක් වගේම ක්‍රීඩාවට , කලාවට විතරක් නෙවෙයි නිවේදනයටත් ඇය එක වගේම දක්ෂ චරිතයක්..

කොහොම වුණත් මේ දෙන්නාම අපි අතරින් වියෝ වුණේ පාස්කු ත්‍රස්ත ප්‍රහාර මාලාවේදී එල්ල කළ එක් ඉලක්කයක් නිසායි.. අද ආයේත් මේ අය ගැන මතක අලුත් වෙනවා...

ඒ මේ සිද්ධියට වසර පහක් වන තැනයි.. ප්‍රවීණ සූපවේදිනියක් ලෙසින් කාගෙත් ආදරය දිනාගත්ත ශාන්තා, ඒ වගේම මාධ්‍ය හා සමීපව ඇසුරු කළ නිසංගා..

ඔවුන් අද අපි අතර නැතිවුණත්, ඔවුන් වෙනුවෙන් යන්තමින් හෝ යුක්තිය ද ඉටු වී නැහැ..
කොපමණක් ආයාචනා කිරීම්, ඉල්ලීම් තිබුණා වුණත්, පාස්කු දා ප්‍රහාරය අදටත් බොහෝ දෙනෙකුට අභිරහසක්..

කොහොම වුණත්, ශාන්තා මායාදුන්න සහ ඇගේ වැඩිමහල් දියණිය නිසංගා මායාදුන්න ගැන මුළු රටම කතාබහ කළේ සිය පවුල සමගින් කොළඹ තරු පන්තියේ හෝටලයක ආහාරවේලක් ගනිමින් සිටියදී වන අතර, නිසංගාගේ පුංචි දියණිය මෙලොව එළිය දැක මාස කීපයකට පසුවයි ඇය මෙලෙස ජීවිතක්ෂයට පත්වීම බොහෝ දෙනා කම්පනයට පත් කළ පුවතක් වුණා..