එළවළු තොග මිල ගණන් පහළට
Thursday, 11 April 2024 - 14:17 | Views - 615
දිවයිනේ ආර්ථික මධ්යස්ථාන රැසක එළවළු තොග මිල ගණන් ශීඝ්රයෙන් අඩු වී තිබෙනවා.
ඒ අනුව එම මධ්යස්ථානවල එළවළු වර්ග රැසක කිලෝග්රෑමයක තොග මිල රුපියල් 100ටත් අඩු බවයි වෙළෙඳුන් පවසන්නේ.
මේ දිනවල ගොවීන් එළවළු අස්වනු විශාල වශයෙන් ආර්ථික මධ්යස්ථාන වෙත රැගෙන එමින් තිබෙනවා.
ඒ සමග එළවළු තොග මිල ශීඝ්ර ලෙස අඩු වී ඇති අතර වෙළෙඳුන් පවසන්නේ මේ හේතුවෙන් තමන් දැඩි දුෂ්කරතාවයට පත්ව ඇති බවයි.
මේ අතර නුවරඑළිය ප්රදේශයේ මහා පරිමාණ වගාබිම් සඳහා ප්රථම වතාවට ඩ්රෝන තාක්ෂණය හා නැනෝ තාක්ෂණය භාවිතා කරමින් දියර පොහොර සහ කෘමිනාශක ඉසීම ඊයේ ආරම්භ කෙරුණා.
අත්හදා බැලීමක් ලෙස ආරම්භ කළ මෙම ක්රමවේදය ඉතා සාර්ථක බවයි ගොවීන් පවසන්නේ.
Share This Article