ජනපතිගෙන් සුබ ආරංචියක්.. VAT වලින් නිදහස් වෙන භාන්ඩ ගැන හෙළිදරව්වක්..
වැට් බදු ප්රතිශතය තවත් පහළ දැමීමට බලාපොරොත්තු වන බව ජනපති රනිල් වික්රමසිංහ පවසනවා.
ජනාධිපතිවරයා මේ පිළිබඳව සඳහන්කර සිටියේ අද (06) පාර්ලිමේන්තුවේදී විශේෂ ප්රකාශයක් සිදුකරමින්.
ඒ අනුව පොත්, පාසල් උපකරණ, සෞඛ්ය උපකරණ හා ඖෂධ යන ආදිය ද වැට් බද්දෙන් නිදහස් කිරීමට බලාපොරොත්තු වන බවයි ජනාධිපතිවරයා එහිදී සඳහන්කර සිටියේ.
එමෙන් ම ආර්ථික ප්රගතිය මේ වනවිට ජනතාවට ලැබී ඇති බව පැවසූ ජනපතිවරයා වැඩිදුරටත් පවසා සිටියේ ඩොලරයට සාපේක්ෂව රුපියලේ අගය ද ශක්තිමත් වී ඇති බවයි.
විදේශ විනිමය මේ වනවිට බිලියන 3 ක් දක්වා, ඉහළ ගොස් ඇති බව ජනාධිපතිවරයා එහිදී පෙන්වා දුන්නා.
කෘෂිකර්මාන්තය නවීකරණය කරමින් අපනයන සඳහා විදේශ වෙළඳපොල විවෘත කර ගැනීමට ද මේ වනවිට කටයුතු කරමින් සිටින බවයි ජනාධිපතිවරයා වැඩිදුරටත් කියා සිටියේ.