ලස්සන වෙන්න ඕනේනම් , රජයේ රෝහලකට යන්න|Hiru TV Blog

ලස්සන වෙන්න ඕනේනම් , රජයේ රෝහලකට යන්න

Thursday, 22 February 2024 - 16:00 | Views - 549

මේ කියන්න යන පුවත ගොඩාක්ම තරුණියන්ට වැදගත් වේවි.

උපතේදී, පිළිකා හෝ අනතුරු හේතුවෙන් මුහුණේ ඇති වන විකෘතිතා සම්පුර්ණයෙන්ම යථා තත්ත්වයට පත්කර පියකරු මුහුණක් ලබාදීමට අවශ්‍ය සියලුම පහසුකම් සහ ප්‍රතිපාදන රජයේ රෝහල් විසින් ලබා දී තිබෙනවා.

සෞඛ්‍ය ප්‍රවර්ධන කාර්යාංශය පැවැත්වූ මාධ්‍ය සාකච්ඡාවේදී මුඛ හනුක - මුහුණු පිළිබඳ ශල්‍ය වෛද්‍යවරුන්ගේ සංගමයේ සභාපති මහනුවර ජාතික රෝහලේ විශේෂඥ ශල්‍ය වෛද්‍ය ඒ. එච්.එම්.කේ. අබේසිංහ විසින් මේ බව සඳහන් කළා.

'පියකරු මුහුණක් සිතට සතුටක්, මුහුණේ විකෘතිතා ප්‍රකෘති කළ හැක' යන මැයෙන් සෞඛ්‍ය ප්‍රවර්ධන කාර්යාංශය මෙම විශේෂ සාකච්ඡාව පවත්වා ඇති බවයි වාර්තා වන්නේ.

එහිදී වෛද්‍යවරයා පැවසුවේ මුහුණේ විකෘතිතා ඇති වීමට බලපාන ප්‍රධාන හේතුව මාර්ග අනතුරු සහ මිනිස් ගැටුම් නිසා ඇති වන අනතුරු බවයි.

එමෙන්ම මුඛ පිළිකා හේතුවෙන්ද මුහුණේ විකෘතිතා ඇති වන බව ඔහු වැඩිදුරටත් සඳහන් කර තිබෙනවා.

උපතේදී සහ ලිංගිකව ආසාදනය වන වයිරස නිසාද මුහුණේ විකෘතිතා ඇති වන බවත් ඊට අමතරව සතුන්ගේ සපාකෑම් සහ පහරදීම් නිසාද විකෘතිතා ඇති බවත් ඔහු පැවසුවා.

කෙසේ වෙතත්, මේ ඕනෑම ආකාරයකින් සිදු වන විකෘතිතාවන් ඉතාම සියුම් ආකාරයෙන් යථා තත්ත්වයට පත් කිරීමට අපේ රටේ රජයේ රෝහල්වල සියලු පහසුකම් තිබෙන අතර ඒ සඳහා රජය විශාල මුදලක් වැය කරන බවයි වෛද්‍යවරයා සඳහන් කළේ.

Share This Article