76 වන නිදහස් දින සැමරුමට අනිද්දා සිට විශේෂ රථවාහන සැලැස්මක්
Sunday, 28 January 2024 - 13:42 | Views - 832
76 වන නිදහස් දින සැමරුම් උත්සවයට අදාළ පෙරහුරු අනිද්දා සිට ආරම්භ කරන බව පොලිසිය පවසනවා.
එම පෙරහුරු හෙට (29) දිනයේ ආරම්භ කර ලබන මස තුන්වනදා දක්වා පැවැත්වෙන බවටයි මීට පෙර දැනුම්දී තිබුණේ.
මේ අතර එම පෙරහුරුව හේතුවෙන් අනිද්දා සිට ලබන මස 3 වනදා දක්වා ගාලු පාර - කොල්ලුපිටිය මංසන්ධියේ සිට ගාලු මුවදොර දක්වා මාර්ගය පෙරවරු හයේ සිට පෙරවරු 8.30 දක්වාත්, සෙරමික් මංසන්ධියේ සිට ගාලු මුවදොර දක්වා පෙරවරු 11 සිට පස්වරු 12.30 දක්වා වසා තැබෙන බව පොලිසිය සඳහන් කළා.
එමෙන්ම පෙබරවාරි 3 වනදා පස්වරු දෙකේ සිට පෙබරවාරි 4 වනදා නිදහස් උත්සවය අවසන් වනතෙක් එම කොටස වසා තැබෙනු ඇති.
Share This Article