අ.පො.ස උසස් පෙළ විභාගය අද (04) ආරම්භ වන අතර, ලබන 31 වනදා දක්වා පැවැත්වීමට නියමිතයි.
සියලුම සිසුන් පැය භාගයකට පෙර විභාග මධ්යස්ථානවලට පැමිණෙන ලෙස විභාග කොමසාරිස් ජනරාල්වරයා ඉල්ලා සිටිනවා.
මෙම විභාගය මධ්යස්ථාන 2,300ක දී පැවැත්වෙන බවයි සඳහන් .
මේ අතර, පවතින අයහපත් කාලගුණ තත්ත්වය හේතුවෙන් බාධාවකින් තොරව උසස් පෙළ විභාගය පැවැත්වීම සඳහා විභාග දෙපාර්තමේන්තුව සහ ආපදා කළමනාකරණ මධ්යස්ථානය ඒකාබද්ධ වැඩපිළිවෙලක් සැලසුම් කර තිබෙනවා.
ඊට අදාළ සාකච්ඡාවක් පසුගිය (02) වැනිදා ආපදා කළමණාකරණ මධ්යස්ථානයේ දී පැවැත්වුණා.
ඒ අනුව, විශේෂ සම්බන්ධීකරණ යාන්ත්රණයක් ඒ වෙනුවෙන් සකස් කර ඇති අතර අදාළ මාර්ගෝපදේශ නියමිත අංශ වෙත යොමුකර තිබෙනවා.
සිසුන්ට, අයහපත් කාලගුණය හේතුවෙන් මුහුණපෑමට සිදුවන බාධා මඟ හරවා ගැනීම සඳහා ආපදා කළමනාකරණ මධ්යස්ථානයේ 117 අංකය හෝ විභාග දෙපාර්තමේන්තුවේ 1911 අංකය ඇමතිය හැකි බවයි වැඩිදුරටත් සඳහන් වන්නේ.