2040 වසර වන විට සඳ මත ඉදිවෙන නිවාස..
Friday, 20 October 2023 - 15:53 | Views - 269
ඇමරිකානු අභ්යවකාශ ඒජන්සිය වන නාසා ආයතනය 2040 වසර වන විට සඳ මත නිවාස ඉදි කිරීමට සැලසුම් කරමින් සිටින බව නිව් යෝර්ක් ටයිම්ස් වාර්තා කරනවා.
මේ වන විට චන්ද්ර පෘෂ්ඨය මත ගගනගාමීන් පැය 75 කට වඩා වැඩි කාලයක් ගත කරන අතර නාසා ආයතනය පවසන්නේ එම කාලය තවත් වැඩි කිරීම සම්බන්ධයෙන් පර්යේෂණ සිදු කරමින් පවතින බවයි.
සඳ මතට 3D මුද්රණ යන්ත්රයක් යවා ඉන් අනතුරුව සඳෙහි ආවාටවල මතුපිට ඉහළ ස්ථරයේ ඇති පාෂාණ සහ ඛනිජ වලින් සාදන ලද කොන්ක්රීට් භාවිතයෙන් සඳ මත නිවාස සඳහා වූ ආකෘතීන් සෑදීම නාසා හි සැලසුම වී තිබෙනවා.
මෙම මුද්රණ යන්ත්රය 2024 වසරේ නොවැම්බරයේ දී සඳ වටා කක්ෂගත කිරීමට අපේක්ෂා කරන Artemis යානය හරහා එය සඳ මතට යවන අතර දැනට එය පරික්ෂා කරමින් පවතින බවයි විදෙස් වාර්තා සඳහන් කරන්නේ.
මෙලෙස සකස් කරන 3D නිවාස සඳෙහි අධික උෂ්ණත්ව වෙනස්වීම් වලට සහ විකරණ වලට ඔරොත්තු දිය හැකි වන බවත්, එහි හානිකර දූවිලි වලින් ජීවයට එල්ල වන බලපෑම අවම කළ හැකි බවත් නාසා ආයතනය සඳහන් කරනවා.
මෙම වැඩසටහන සඳහා නවීන තාක්ෂණය සහ පිළිගත් විශ්වවිද්යාල මෙන්ම වෙනත් පෞද්ගලික ආයතන හවුල් වී තිබෙන බවයි විදෙස් පුවත් තව දුරටත් සදහන් කරන්නේ..
Share This Article