නිවෙස් තුළදීත් මුව ආවරණ පළඳින්නැයි ඉල්ලීමක්
Monday, 16 August 2021 - 13:49 | Views - 10,100
ඩෙල්ටා ප්‍රභේදයේ සීග්‍ර වර්ධනය හමුවේ නිවෙස් තුළ දී වුවද මුඛ ආවරණ පැළදීම අනිවාර්ය කර ගන්නා ලෙස රිජ්වේ ආර්යා ළමා රෝහලේ විශේෂඥ වෛද්‍ය දීපාල් පෙරේරා ජනතාවගෙන් ඉල්ලීමක් කරනවා.

ඔහු කියා සිටියේ වෛරසය ආසාදනය වීම සඳහා ගත වන්නේ තත්ත්පර 15ක තරම් සුළු වේලාවක් බැවින් ඒ තුළින් ද ආසාදිතයෙකු බවට පත්වීමේ හැකියාවක් පවතින බවයි.

මහනුවර නගරයේ පිහිටි වැඩිහිටි නිවාසයක සිටි වැඩිහිටියන් තුන් දෙනෙකු හදිසියේ ජීවිතක්ෂයට පත්ව තිබෙනවා.

මෙම සිද්ධියත් සමඟ එහි සිටි වැඩිහිටියන් 56 දෙනාට සිදුකරන ලද කොරෝනා පරීක්ෂණවලින් පසුව ඉන් 46 දෙනෙකුටම වෛරසය ආසාදනය වී ඇති බවට අනාවරණය වුණා.

එමෙන්ම මහරගම පොලීසියට අනුයුක්ත පොලිස් පරීක්ෂකවරයෙකු, උප පොලිස් පරීක්ෂකවරුන් සිව් දෙනෙකු ඇතුළු 12 දෙනෙකුට කොරෝනා ආසාදනය වී තිබෙනවා.

පවතින තත්ත්වයත් සමග හැකි සෑම අවස්ථාවකම මුඛ ආවරණ පලදින ලෙස රිජ්වේ ආර්යා ළමා රෝහලේ විශේෂඥ වෛද්‍ය දීපාල් පෙරේරා ඉල්ලීමක් කරනවා.

දෛනික කොරෝනා ආසාදිතයින් වාර්තා වීමත් සමඟ සෞඛ්‍ය සේවකයින් දැඩි අර්බුදයකට මුහුණ දී ඇති බව ඒකාබද්ධ සෞඛ්‍ය සේවක සංගමයේ ප්‍රධාන ලේකම් පූජ්‍ය ටැම්පිටියේ සුගතානන්ද හිමියන් පවසනවා.

කොළඹ ජාතික රෝහලේ පමණක් සෞඛ්‍ය සේවකයින් 200කට වැඩි පිරිසකට කොරෝනා ආසාදනය වී ඇති බවයි උන්වහන්සේ කියා සිටියේ.

මේ අතර මුව ආවරණ නොපළදින පුද්ගලයන් අත්අඩංගුවට ගැනීම අද සිට සිදුකරන බව පොලිස් මාධ්‍ය ප්‍රකාශක කොට්ඨාශය සඳහන් කළා.

පවතින කොරෝනා වසංගත තත්ත්වය හමුවේ අම්බලන්තොට සහ ත්‍රිකුණාමළ නගරවල වෙළදසැල් ද මේ වනවිට සම්පූර්ණයෙන් වසා දමා තිබෙනවා.
 
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top