කැබිනෙට්ටුවේ පුටු මාරුවක්
Sunday, 15 August 2021 - 9:24 | Views - 6,732
කැබිනට් මණ්ඩලයේ අමාත්‍ය ධූරයන් හතරක සංශෝධනයක් සිදු කිරීමට ජනාධිපති ගෝඨාභය රාජපක්ෂ තීරණය කර ඇති බවට වාර්තා වෙනවා

රජයේ අභ්‍යන්තර ආරංචි මාර්ග පෙන්වා දෙන ආකාරයට මෙම කැබිනට් සංශෝධනය සිදු කිරීමට නියමිතව ඇත්තේ ලබන අඟහරුවාදා යි.

මෙම කැබිනට් සංශෝධනයේ දී කෙහෙළිය රඹුක්වැල්ල, ඩලස් අලහප්පෙරුම, මහාචාර්ය ජී. එල්. පීරිස් සහ දිනේෂ් ගුණවර්ධන යන අමාත්‍යවරුන්ගේ අමාත්‍යංශ වගකීම් මාරුවනු ඇති.

ඒ අනුව විදේශ කටයුතු අමාත්‍ය ධූරය දරන දිනේෂ් ගුණවර්ධනට අධ්‍යාපන අමාත්‍යාංශයත් දැනට විදුලිබල හා බලශක්ති අමාත්‍යවරයා වශයෙන් කටයුතු කරන ඩලස් අලහප්පෙරුමට ජනමාධ්‍ය අමාත්‍යාංශයත් භාර කෙරෙන බවයි වාර්තා වන්නේ.

අමාත්‍ය කෙහෙළිය රඹුක්වැල්ල විදුලිබල හා බලශක්ති අමාත්‍යවරයා වශයෙන් හා අධ්‍යාපන අමාත්‍ය ධූරය දැරූ මහාචාර්ය ජී එල් පීරිස් විදේශ අමාත්‍ය වරයා වශයෙන් වැඩ භාර ගැනීමට නියමිත බවයි රජයේ අභ්‍යන්තර ආරංචි මාර්ග පවසන්නේ.

පසුගිය කාලසීමාව තුළ දී ජනමාධ්‍ය අමාත්‍යවරයා සහ අධ්‍යාපන අමාත්‍යවරයා දැඩි විවේචනයන්ට ලක්වුණා.

පවතින කෝවිඩ් ව්‍යාප්තිය හමුවේ අධ්‍යාපන කටයුතු අඛණ්ඩව සිදුකරගෙන යාමට නිසි ක්‍රමවේදයක් සකස් කිරීමට අධ්‍යාපන ඇමතිවරයා අපොහොසත් වූ අතර වැටුප් වර්ධක ඉල්ලා වෘත්තීය ක්‍රියාමාර්ග වලට යොමු වූ ගුරු ගැටලු විසඳීමටත් අධ්‍යාපන අමාත්‍යවරයා ප්‍රමුඛ අමාත්‍යාංශයට හැකි වූයේ නැහැ.

මේ හේතුවෙන් අධ්‍යාපන අමාත්‍යවරයාට සහ අමාත්‍යංශයට එල්ල වූයේ දැඩි ජනතා විරෝධයක්.

එමෙන්ම ජනමාධ්‍ය අමාත්‍ය කෙහෙළිය රඹුක්වැල්ල කැබිනට් මාධ්‍ය ප්‍රකාශක ලෙස සිදුකළ ඇතැම් ආන්දෝලනාත්මක ප්‍රකාශ හරහා රජය දැඩි අපහසුතාවයට ලක් වූ බවයි රජයට සමීප ආරංචි මාර්ග සඳහන් කරන්නේ.


Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top