OFFLINE වූවෝ ONLINE කරන හමුව අද
Tuesday, 20 July 2021 - 10:37 | Views - 346

ඔන්ලයින් ඉගැන්වීමේ කටයුතුවලින් ඉවත්ව සිටින ගුරු - විදුහල්පති වෘත්තීය සමිති සහ අධ්යාපන අමාත්ය මහාචාර්ය ජී.එල්. පීරිස් අතර තීරණාත්මක සාකච්ඡාවක් අද පැවැත්වීමට නියමිතයි.
එසේ නොමැති වුවහොත් ඉදිරි විභාග කටයුතුවලින් ද ඉවත් වන බවයි වෘත්තීය සමිති අනතුරු අගවන්නේ.
වැටුප් විෂමතා ඇතුලු ගැටලු කිහිපයක් මුල් කර ගනිමින් ගුරු හා විදුහල්පති සංගම් කිහිපයක් ආරම්භ කර ඇති ඔන්ලයින් ඉගැන්වීම් කටයුතු වලින් ඉවත් වීමේ වෘත්තීය ක්රියා මාර්ගය අද 9 වන දිනටත් ක්රියාත්මකයි.
සිය ගැටළුවලට විසදුම් ලබාදෙන ලෙස ඉල්ලමින් ඊයේ ගුරු වෘත්තීය සමිති කිහිපයක් අධ්යාපන අමාත්යාංශය ඉදිරිපිට විරෝධතාවයක ද නිරත වුණා.
අධ්යාපන අමාත්ය මහාචාර්ය ජී.එල්. පීරිස් කොළඹ ඊයේ පැවති මාධ්ය හමුවකදී ගුරුවරුන්ගෙන් ඉල්ලා සිටියේ වර්ජනයෙන් ඉවත්ව දරුවන්ගේ අධ්යයන කටයුතු දිගටම සිදුකරන ලෙසටයි.
කෙසේ වෙතත්, කැබිනට් පත්රිකාවක් හරහා තම ගැටළුවලට විසඳුම් ලබාදුනහොත් පමණක් සිය වෘත්තීය ක්රියාමාර්ගය අවසන් කරන බවයි ගුරු - විදුහල්පති වෘත්තීය සමිති වෙනුවෙන් විදුහල්පති ශ්රේණි නිලධාරීන්ගේ සංගමයේ සභාපති නිමල් මුදුන්කොටුව කියා සිටියේ.
Share This Article