තද සුංළ සහ රළු මුහුදු පිළිබඳ ලබන 10 වනදා දක්වා වලංගු වන පරිදි කාලගුණ විද්යා දෙපාර්තමේන්තුව විසින් අවවාදාත්මක නිවේදනයක් නිකුත් කර තිබෙනවා.
ඒ මන්නාරම සිට කොළඹ සහ හම්බන්තොට හරහා පොතුවිල් දක්වා වන ගැඹුරු සහ නොගැඹුරු මුහුදු ප්රදේශ සඳහායි.
එහි දැක්වෙන්නේ හෙට (08) පෙරවරු 9.30 සිට 10 වනදා පෙරවරු 9.30 දක්වා කාලසීමාව තුලදී අදාළ මුහුදු ප්රදේශවල සුළඟේ වේගය විටින් විට පැයට කිලෝමීටර් 60ක් 70ක් පමණ දක්වා ඉහළ යාහැකි බවයි.
මන්නාර සිට පුත්තලම දක්වා සහ ගාල්ල සිට හම්බන්තොට හරහා පොතුවිල් දක්වා වන මුහුදු ප්රදේශ විටින් විට රළු විය හැකියි.
දිවයින වටා වන සෙසු මුහුදු ප්රදේශ විටින් විට තරමක් රළු වීමේ හැකියාවක් පවතිනවා.
මෙම මුහුදු ප්රදේශවල ධීවර කටයුතුවල යෙදීම ඉහත සඳහන් කළ කාලය තුලදී අනතුරුදායක වන අතර නාවුක ප්රජාව මේ පිළිබඳ ඉතා අවධානයෙන් කටයුතු කරන ලෙසටයි කාලගුණ විද්යා දෙපාර්තමේන්තුව දැනුම්දෙන්නේ.