දැහැමිගේ ලොවට හිරු පායයි - හදවත් සංවේදී වූ මොහොත (Video)
Wednesday, 30 June 2021 - 22:05 | Views - 441

ජීවිතය ගැටගසා ගැනීම වෙනුවෙන් සිය මව සමඟ වැලි ගොඩදැමූ පොළොන්නරුව - හිඟුරක්දමන පදිංචි දියණියගේ පුවත හිරු ප්රවෘත්ති හරහා වාර්තා කිරීමත් සමඟ සංවේදී හිත් ඇති මෙරට මෙන්ම විදේශගත ශ්රී ලාංකික බොහෝදෙනෙක් හිරුට කතා කළා.
දැඩි කම්කටොළු මැද මෙවර ශිෂ්යත්ව විභාගයට පෙනී සිටීමට නියමිත මෙම දියණියගේ දෙනෙත් අද සතුටු කඳුලින් පිරී ගියේ හිරු පුවත ඔස්සේ ඇයට උපකාර කිරීමට පැමිණි සංවේදී හිත් ඇත්තවුන් නිසාවෙන්.
කුළි රැකියාවක නිරතව සිටි දැහැමි නෙත්සරා දියණියගේ පියාට මීට මාස කිහිපයකට පෙර සිදුවූ අනතුරකින් අතේ ඇඟිල්ලක් අහිමිවීවත් සමඟ අන්ථ අසරණ වූ මේ පවුලට කුසගින්න නිවා ගැනීමත් ගැටලුවක්ව තිබියදී ඇගේ අධ්යාපනය වෙනුවෙන් වියදම් කිරීම සිහිනයක් වී තිබුණා.
ඒ අනුවයි මේ පුංචි දියණිය සිය මව සමඟ මින්නේරිය ඔයේ වැලි ගොඩ දැමීම ආරම්භ කර තිබුණේ.
මේ මොහොතේ අධ්යාපන කටයුතු සඳහා අත්යවශ්යව පවතින තාක්ෂණික මෙවලමක ඇති අඩුව සපුරා ගැනීම ද එහි එක් අරමුණක් වී තිබුණා.
මෙම පුවත වාර්තා කිරීමත් සමඟ සංවේදී සිත් ඇති විශාල පිරිසක් නෙත්සරා දියණියගේ අනාගතය වෙනුවෙන් ඇයට ශක්තියක් වන්නට ඉදිරිපත් වුණේ පුවත විකාශය වී තත්පර කිහිපයක් ගෙවී යන්නටත් මත්තෙන්.
ඒ මිනිසත්කම රැගත් පිරිස අතරින් කිහිපදෙනෙකු ම අද නෙත්සරා දියණිය හමුවුණා.
Share This Article