මේ අතර, දිවයිනටම පනවා තිබූ සංචරණ සීමා අද අලුයම 4.00ට ඉවත් කෙරුණා.
කෙසේ වෙතත්, පළාත් අතර, සංචරණය තවදුරටත් තහනම් වන බවයි යුද හමුදාපති ජෙනරාල් ශවේන්ද්ර සිල්වා ප්රකාශ කළේ.
මාසයක කාලයක් පුරා පැවති සංචරණ සීමා පසුගිය 21 වන දා අලුයම 4ට ඉවත් කෙරුණු අතර යළිත් එම සංචරණ සීමා පෙරේදා රාත්රී 10 සිට අද අලුයම 4 දක්වා පනවනු ලැබුවා.
බස්නාහිර පළාත තුළ සංචරණ නීති ක්රියාත්මක කිරිම කඩ කරන වෙළදසැල් සම්බන්ධයෙන් දැඩි ලෙස සොයා බලන ලෙස මහජන සෞඛ්ය පරීක්ෂකවරුන්ට දැනුම් දී ඇති බවයි සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධන ප්රකාශ කළේ.
කෙසේ වෙතත්, සංචරණ සීමා ඉවත් කෙරුණ ද බස් රථ හා දුම්රිය ධාවනය තවදුරටත් පළාත් තුළ පමණක් සිදුකරන බව ප්රවාහන රාජ්ය අමාත්ය දිලුම් අමුණුගම කියා සිටියා.