දිවයින පුරා සිදුකළ අහඹු කොරෝනා පරීක්ෂණ තුළින් සමාජයේ කොරෝනා ව්යාප්තියේ වැඩිවීමක් පෙන්නුම් කරන බවයි මහජන සෞඛ්ය පරික්ෂකවරුන්ගේ සංගමය පවසන්නේ.
ඊයේ දිනයේ ආසාදිතයින් 300 ඉක්මවා ගම්පහ සහ කොළඹ දිස්ත්රික්කවලින් වාර්තා වී තිබෙනවා.
ගම්පහ දිස්ත්රික්කයෙන් ආසාදිතයින් 307 දෙනෙකු වාර්තා වී ඇති අතර, කොළඹ දිස්ත්රික්කයෙන් වාර්තා වී ඇති ආසාදිතයින් සංඛ්යාව 302ක්.
කළුතර දිස්ත්රික්කයෙන් ඊයේ ආසාදිතයින් 253 දෙනෙකු වාර්තා වී තිබෙනවා.
ගාල්ල දිස්ත්රික්කයෙන් 166ක්, මඩකලපුවෙන් 130ක් සහ කුරුණෑගල දිස්ත්රික්කයෙන් 122ක් ලෙස ඊයේ ආසාදිතයින් වාර්තා වී ඇති බවයි කොවිඩ් නයින්ටීන් පැතිරීම වැළැක්වීමේ ජාතික ක්රියාන්විත මධ්යස්ථානය සඳහන් කළේ.
කොරෝනා වෛරසයට එරෙහි ප්රතිශක්තිකරණ එන්නත් ලබාදීමේ වැඩසහටන් අදත් ප්රදේශ කිහිපයකදී ක්රියාත්මක වුණා.