සංචරණ සීමා ලිහිල් වුවද අවධානයෙන් කටයුතු කරන්න - සෞඛ්‍ය අංශ ඉල්ලයි
Monday, 21 June 2021 - 10:23 | Views - 929
සංචරණ සීමා ලිහිල් කළ ද රට තුළින් ඉන්දියාවේ සීග්‍රයෙන් ව්‍යාප්ත වන ඩෙල්ටා ප්‍රභේදය මෙරටින් හමුවී ඇති බැවින් ඒ පිළිබදව අවධානය යොමු කරමින් ජනතාව සෞඛ්‍ය මාර්ගෝපදේශවලට ගරු කරමින් කටයුතු කළ යුතු බව මහජන සෞඛ්‍ය පරීක්ෂකවරුන්ගේ සංගමය පවසනවා.

මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ සඳහන් කළේ දෙමටගොඩ - ආරාමය පෙදෙසින් ඉන්දියාවේ පැතිර යන ඩෙල්ටා ප්‍රභේදය සහිත ආසාදිතයන් හමුවීම සම්බන්ධයෙන් ජනතාව දැඩි අවධානයෙන් කටයුතු කළ යුතු බවයි.

ඊයේ (20) දිනයේදීත් මෙරටින් නව ආසාදිතයන් 2,028ක් හඳුනාගැනීමත් සමඟ සමස්ත කොරෝනා ආසාදිතයන් සංඛ්‍යාව දෙලක්ෂ 39,689 ක් දක්වා ඉහළ ගියා.

නව ආසාදිතයන්ගෙන් 2008 දෙනෙකු අලුත් අවුරුදු කොවිඩ් පොකුරේ ආශ්‍රිතයන් වන අතර, විදේශයන් හි සිට පැමිණි 20 දෙනෙකු ද ආසාදිතයන් ලෙස හඳුනාගෙන තිබෙනවා.

ඒ අනුව තවදුරටත් ආසාදිතයන් 35,766 ක් රෝහල්ගතව ප්‍රතිකාර ලබන අතර, සුවය ලැබූ සංඛ්‍යාව දෙලක්ෂ 1,389 ක්.

මේ අතර පසුගිය 19 වනදා සිදුවූ බවට සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කරන ලද මරණ 47 ක් වාර්තාකිරීමත් සමඟ මෙරට සමස්ත කොරෝනා මරණ සංඛ්‍යාව 2,581 ක් දක්වා ඉහළ ගියා.

මියගිය 47 දෙනාගෙන් 27 දෙනෙකු පිරිමි පුද්ගලයන් වන අතර, කාන්තාවන් 20 දෙනෙකුද ඊට ඇතුළත්.

මෙරට එන්නත්කරණ වැඩසටහන යටතේ මේ දක්වා පුද්ගලයින් 14 ලක්ෂ 37,112 දෙනෙකුට සයිනොෆාම් එන්නතේ පළමු මාත්‍රාව ලබාදී ඇති අතර, එහි දෙවන මාත්‍රාව පුද්ගලයින් හාරලක්ෂ 42,657 කට ලබාදී තිබෙනවා.

නිරෝධායන නීති උල්ලංඝනය කළ 844 දෙනෙකු ඊයේ (20) අත්අඩංගුවට ගෙන තිබෙනවා.

පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ ප්‍රකාශ කළේ තලවකැලේ ප්‍රදේශයේ උත්සවශාලාවක් තුළ නිරෝධායන නීති උල්ලංඝනය කරමින් උත්සවයක් පැවැත්වූ හත්දෙනෙකු ඊයේ අත්අඩංගුවට ගත් බවයි.

මොවුන් අතර තලවකැලේ - ලිදුල නගර සභාවේ සභාපතිවරයාද වනවා.

ඊට අමතරව ගිරිබාව ප්‍රදේශයේ නිරෝධායන නීති උල්ලංඝනය කරමින් රක්ෂිතයක් හෙළි පෙහෙළි කරමින් සිටි හතරදෙනෙකු ද පොලීසිය අත්අඩංගුවට ගනු ලැබුවා.


Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top