අලුයම ඉවත් වුණු සංචරණ සීමා හා නැවත හුදෙකලා වුණු තැන්
Monday, 21 June 2021 - 9:18 | Views - 779
අද අළුයම 4ට මුළු දිවයිනටම බලපැවැත්වෙන පරිදි පනවා තිබූ සංචරණ සීමා ඉවත් කෙරුණ ද දිස්ත්‍රික්ක 12ක ග්‍රාම නිලධාරී වසම් 24ක් හුදකලා කෙරෙන බවයි යුද හමුදාපති ජෙනරාල් ශවේන්ද්‍ර සිල්වා ඊයේ ප්‍රකාශ කලේ.

ඒ අනුව අද අළුයම හතරේ සිට බලපැවැත්වෙන පරිදි ඩෙල්ටා නව ප්‍රභේදය හඳුනා ගැනුණු දෙමටගොඩ පොලිස් වසමේ ආරාමය පෙදෙස, 66 වත්ත, කළුතර - උතුර පොලිස් වසමේ මහවස්කඩුව - දකුණ, කළුතර - දකුණ පොලිස් වසමේ මින්නේරිතැන්න සුනාමි ගම්මානය හුදෙකලා කර තිබෙනවා.

ගම්පහ - බියගම පොලිස් වසමේ යටියන, මීගහවත්ත පොලිස් වසමේ සියඹලාපේ වත්ත, කිරිබත්ගොඩ - නාහේන ග්‍රාම නිලධාරී වසම් මෙන්ම ගාල්ල - ඉඳුරුව පොලිස් වසමේ ගෝනගල ග්‍රාම නිලධාරී වසමේ බොල්තුඩුව ගම, මාතර - වැලිගම පොලිස් වසමේ පැලෑන දකුණ ද මෙලෙස හුදකලා කර තිබෙන ප්‍රදේශ වලට අයත් .

එමෙන්ම රත්නපුර දිස්ත්‍රික්කයේ කොළොන්න පොලිස් වසමේ දාපනේ, රත්නපුර පොලිස් වසමේ කැලඳගල ග්‍රාම නිලධාරී වසමේ මුල්ලෙකන්දවත්ත සහ කොට්ටල යන ග්‍රාම නිලධාරී වසම් ද හුදෙකලා කර තිබෙනවා.

මාතලේ - මහවෙල පොලිස් වසමේ දෙමදඔය, නිකගොල්ල, නිකගොල්ල - උතුර, යන ග්‍රාම නිලධාරී වසම් මෙන්ම ලග්ගල පොලිස් වසමේ කිවුලවාඩිය සහ ගුරුවෙල යන ග්‍රාම නිලධාරී වසම් ද අද අළුයම සිට හුදෙකලා කෙරුනා.

පුත්තලම දිස්ත්‍රික්කයේ හුදෙකලා කෙරෙනු ලැබුවේ මාදම්පේ පොලිස් වසමට අයත් මරක්කලගම ග්‍රාම නිලධාරී වසමයි. නුවරඑළිය දිස්ත්‍රික්කයේ ගිනිගත්හේන පොලිස් වසමේ කැරොලිනා වතුයායට අයත් කඩවල වත්ත කොටස, අද අළුයම සිට හුදෙකලා කළ ප්‍රදේශ අතරට අයත්.

අම්පාර දිස්ත්‍රික්කයේ සමන්තුරෙයි පොලිස් වසමේ නව වලතපිටිය ගම්මානය, මඩකලපුව දිස්ත්‍රික්කයේ එරාවූර් පොලිස් වසමේ එරාවූර් ග්‍රාම නිලධාරී වසම, වාලච්චේන පොලිස් වසමේ මීරවෝදි නැගෙනහිර, මීරවෝදි බටහිර, මැන්චකෝලායි බදුරිය යන ග්‍රාම නිලධාරී වසම් හුදෙකලා කල බවයි වැඩිදුරටත් සඳහන් වන්නේ.

යාපනය දිස්ත්‍රික්කයේ මනිපායි පොලිස් වසමේ සාවටිකඩ්ඩු ග්‍රාම නිලධාරී වසම ද මෙලෙස හුදෙකලා කර තිබෙනවා.

එසේම දිස්ත්‍රික්ක 12කට අයත් තවත් ග්‍රාම නිලධාරී වසම් 82ක් ද අද අළුයම 4 සිට හුදෙකලාභාවයෙන් ඉවත් කෙරෙනු ලැබුවා.

කොරෝනා තුන්වන රැල්ලේ ආරම්භය සමඟ මාසයක කාලයක් මුළු දිවයිනටම සංචරණ සීමා පනවා අදට මාසයක කාලයක් සම්පූර්ණ වනවා.

මේ අතර සංචරණ සීමා ඉවත් කිරීමෙන් පසුව සෞඛ්‍ය මාර්ගෝපදේශවලට අනුව කටයුතු කරන්නේදැයි සොයාබැලීම සඳහා විශේෂ පොලිස් කණ්ඩායමක් පත් කර ඇති බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ ප්‍රකාශ කළා.
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top