නිරෝධායන නීති කැඩූ චන්දිමාල් ජයසිංහ සහ පියුමි හංසමාලි අත්අඩංගුවට
Monday, 31 May 2021 - 13:41 | Views - 286
නිරෝධායන නීති උල්ලංඝනය කරමින් කොළඹ තරු පන්තියේ හෝටලයක උපන්දින සාදයක් පැවැත් වූ රූපලාවන්ය ශිල්පී චන්දිමාල් ජයසිංහ සහ මෝස්තර නිරූපණ ශිල්පිනී පියුමි හංසමාලි යන දෙදෙනා කොටුව පොලිසිය විසින් අත්අඩංගුවට ගෙන තිබෙනවා.
මෙම දෙදෙනා අද (31) දින අලුත්කඩේ අධිකරණයට ඉදිරිපත් කිරීමට නියමිත බවයි පොලිස් මාධ්ය ප්රකාශකවරයා සඳහන්කර සිටියේ.
මෙම සාදය සඳහා 20ත් 25ත් අතර පිරිසක් පැමිණ සිට ඇති බවටයි පොලිස් විමර්ශනවලදී කරුණු අනාවරණය වී ඇත්තේ.
හෝටලයේ ආරක්ෂිත කැමරා පද්ධතියේ දත්ත පරික්ෂා කරමින් සාදය සඳහා පැමිණි අනෙක් පිරිස හඳුනා ගැනීම සඳහා කටයුතු කරන බවයි පොලිස් මාධ්ය ප්රකාශකවරයා වැඩිදුරටත් සඳහන් කර සිටියේ.
Share This Article