මෙරටින් දිනකදී වාර්තාවූ වැඩිම කොරෝනා ආසාදිතයන් සංඛ්යාව ඊයේ වාර්තාවුණා.
ඒ අනුව දහස ඉක්මවා කොරෝනා ආසාදිතයන් වාර්තා වූ දිනය ලෙසද ඊයේ සටහන් වූ අතර, එය දැක්වුණේ 1,111 ක් ලෙසයි.
ඒ අනුව මෙරට සමස්ත කොරෝනා ආසාදිතයින් සංඛ්යාව එක්ලක්ෂ 3487ක් දක්වා ඉහළ ගියා.
ඊයේ වාර්තා වූ නව ආසාදිතයින්ගෙන් 1089ක් පෑලියගොඩ කොවිඩ් පොකුරේ ආශ්රිතයින් වන අතර බන්ධනාගාර පොකුරේ ආසාදිතයින් 7 දෙනෙකු සහ විදේශයන් හි සිට පැමිණි 15 දෙනෙකු ද මේ අතර වනවා.
ඒ අනුව ආසාදිතයින් 7976 දෙනෙකු තවදුරටත් රෝහල්ගතව ප්රතිකාර ලබන අතර, සුවය ලැබූ මුළු සංඛ්යාව 94,856ක්.
එසේම නව මරණ 8ක් ඊයේ වාර්තා වීමත් සමඟ මෙරට සමස්ත මරණ සංඛ්යාව 655ක් දක්වා ඉහළ ගියා.
මින් මරණ 6ක්ම කොවිඩ් නිව්මෝනියා තත්ත්වය නිසා සිදුව ඇති බවයි රජයේ ප්රවෘත්ති දෙපාර්තමේන්තුව සදහන් කළේ.
හෙට්ටිපොළ, අඹගහපැලැස්ස, මතුගම, නුගේගොඩ, ශ්රී ජයවර්ධනපුර, පොල්ගොල්ල, වත්තල සහ පන්නිපිටිය ප්රදේශවල පදිංචි පිරිමි පුද්ගලයින් 7 දෙනෙකු සහ කාන්තාවක් මෙලෙස මිය ගොස් තිබෙනවා.
මේ අතර මධ්යම පළාතේ කොරෝනා ප්රතිකාර මධ්යස්ථානවල ධාරිතාව උපරිමයට ළඟාවෙමින් පවතින බව පළාත් සෞඛ්ය අධ්යක්ෂ වෛද්ය නිහාල් වීරසූරිය මහනුවර ඊයේ පැවති මාධ්ය හමුවකදී කියා සිටියා.