ලස්සන වෙන්න මේකප් කරන්න හුඟක් අය ආසයි. හැබැයි ඒ දේවල් එක්ක එන අවධානමෙන් වැළකෙන්න තරම් අවධානයක් ගොඩක් අයට නැහැ.

ඒ නිසාම වෙන ලොකු අනතුරු ගැනත් නිතර අහන්න ලැබෙනවා.

මේ කියන්න යන කතාව අහන්න ලැබෙන්නේ බ්‍රසීලයෙන්. එරිකා දෙදරු මවක්.

රාත්‍රී සාදයක් සඳහා යන්න සැරසුණු ඇය දිළිසෙන ආලේපනයක් ඇසි පියන්වල තැවරුවා.

සාදය ඉවරවෙලා ගෙදර ආවට පස්සේ ඇය දැක්කේ මේ ආලේපනයෙන් කොටසක් ගැලවී ගිහින් ඇසේ රැඳී ඇති බවයි.

ඒක ඉවත්කරන්න ගත්තු උත්සහයෙදී ඇගේ ඇස කැපී ගියා.මේ කැපී යාම පහුවදා උදේ වෙද්දීම ආසාදනය වෙලා.

එදා රෝහලට ගියත්, වෛද්‍යවරු කියන්නේ මේ ඇස සනීප කරන එක ලේසි නැහැ කියලයි. ඒ නිසා ඔවුන් ඇසෙන් කොටසක් ඉවත් කරන්න හදනවා.

එතොකොටයි ඔවුන් දකින්නේ මේ ඇසට ඇතුලේ විශාල ආලේපන කොටසක් රැඳී තියෙනවා කියල. එය ඉවත් කරන්න තවත් සැත්කමක් අවශ්‍ය වුණා.

ඒ හැමදේම ඉවරවෙද්දි ඇයට ඇස අහිමි වෙලා. ඒ විතරක් නෙමෙයි, ඇගේ මොළයටත් ආසාදනයක් ඇවිත්. මේ ආසාදනය නිසා සති 14 ක් ඇය හිටියේ රෝහලේ.

මේ කතාව මාධ්‍යට දෙන්නේ ඇගේ සැමියා. ඒ මෙවැනි සිදුවීම්වල අවධානම ලෝකයට හෙළිකරන්නයි.