ඩෙනිම් කලිසම කියන්නේ කාගේත් ජනප්‍රියම ඇඳුම. එත් සෝදන්න ගියාම සැහෙන්න වෙහෙසක් දරන්න වෙන නිසා අනිත් ඇඳුම් වගේ ඩෙනිම් කලිසම සොදන්නේ නැහැ නේද? පුළුවන් දවසක් එකදිගට ඇඳලා තමයි සොදන්නේ. එහෙම අඳින අයට වටිනා දෙයක් තමයි මේ කියන්න යන්නේ.


ඩෙනිම් කලිසම කියන්නේ අනිත් ඇඳුම් වගේ නිතරම අපිරිසිදු වෙන ඇඳුමක් නෙමෙයි. එත් දුහුවිලි,කුණු නොගෑවී තියෙන්නෙත් නැහැ. ඒ නිසා ඔබ ඩෙනිම් කලිසම අඳින්න කලින් brush එකකින් හොදින් පිරිසිදු කරන්න. එතකොට කලිසමේ රැඳිලා තියෙන කුණු දුහුවිලි ඉවත් වෙනවා. ඊටපස්සේ ඔබේ ඩෙනිම ශීතකරණයේ දාන්න.

එහෙම කිවුවහම ඔබ පුදුම වුනාද ?
බැලූබැල්මට විකාර අදහසක් වගේ හිතුනට ඒක ඔබේ ඩෙනිම් කලිසම පිරිසිදු කරගන්න තියෙන සාර්ථක විසඳුමක්. brush එකකින් පිසදමා එහි ඇති දුහුවිලි කුණු ඉවත් කලද ඔබ එය කිහිප වතාවක් සොදන්නේ නැතුව ඇඳපු නිසා එහි විෂබීජ , බැක්ටීරියා තැම්පත් වනවා. ඒ නිසා සමහරවිට ඔබට එයින් දුගඳක් ද දැනිල ඇති.. එහෙත් ඔබට ඒකටත් විසඳුමක් තියෙනවා.කලින් කිවුවේ ඒ ගැනයි.

 

ඔබේ ඩෙනිම් කලිසම දමන්න පුළුවන් ප්‍රමාණයේ ziplock පොලිතින් බාගයක් ගන්න. කලින් සඳහන් කළා වගේ ඩෙනිම් කලිසම හොඳින් පිසදමා මේ බෑගයට දමා ziplock එක හොඳින් වසන්න. පසුව එය පැය කිහිපයක් ඔබේ ශීතකරණයේ අධිශීත කොටසේ දාලා තියන්න. ශීතකරණයේ ඇති අධික ශීත බව නිසා ඩෙනිම් කලිසමේ ඇති බැක්ටීරියා විනාශ වෙනවා වගේම අර දුර්ගන්ධයද නැතිවී යනවා.

කාර්යබහුල අය වගේම ඇඳුම් සෝදන්න කම්මැලි අය අදම මේ ක්‍රමය අත්හදා බලන්න.