හිටපු නියෝජ්‍ය අමාත්‍ය ඒ. එම්. ආර්. බී. අත්තනායක අභාවප්‍රාප්ත වෙයි.. ජ්‍යෙෂ්ඨ දේශපාලනඥයාගේ අවසන් කටයුතු 19 වැනිදා..|Hiru TV Blog

හිටපු නියෝජ්‍ය අමාත්‍ය ඒ. එම්. ආර්. බී. අත්තනායක අභාවප්‍රාප්ත වෙයි.. ජ්‍යෙෂ්ඨ දේශපාලනඥයාගේ අවසන් කටයුතු 19 වැනිදා..

Thursday, 17 September 2026 - 21:01 | Views - 87

උසස් අධ්‍යාපන අමාත්‍යාංශයේ හිටපු නියෝජ්‍ය අමාත්‍යවරයකු මෙන්ම ජ්‍යෙෂ්ඨ දේශපාලනඥයකු වූ ඒ. එම්. ආර්. බී. අත්තනායක අභාවප්‍රාප්ත වී තිබෙනවා.

මෙරට දේශපාලන ක්ෂේත්‍රයේ දීර්ඝ කාලයක සිට ක්‍රියාකාරී මෙහෙවරක නිරත වූ ඒ මහතාගේ අභාවය සම්බන්ධයෙන් දේශපාලන අධිකාරිය ඇතුළු ප්‍රජාව සිය කණගාටුව පළ කර සිටිනවා.

ජේ. ආර්. ජයවර්ධන රජය සමයේ උඩදුම්බර ආසනය නියෝජනය කරමින් පාර්ලිමේන්තුවට තේරී පත් වූ ඒ. එම්. ආර්. බී. අත්තනායක, උසස් අධ්‍යාපන නියෝජ්‍ය අමාත්‍යවරයා ලෙස මෙරට උසස් අධ්‍යාපන ක්ෂේත්‍රයේ උන්නතිය උදෙසා කැපී පෙනෙන සේවයක් ඉටු කළ මහජන නියෝජිතයෙක්.

ප්‍රදේශයේ ජනතාවගේ සුබසාධනය උදෙසා මෙන්ම ක්ෂේත්‍රයේ ප්‍රගමනයට උන්වහන්සේ දැක්වූ දායකත්වය සදා අමරණීය වෙනවා.

දේහය පේරාදෙණිය, ඊරියගම, කොළඹ පාරේ පිහිටි පෞද්ගලික මල් ශාලාවක අද (17) පස්වරු 2.00 සිට සැප්තැම්බර් 19 සෙනසුරාදා පස්වරු 2.00 දක්වා මහජන ගෞරවය සඳහා තැන්පත් කර තැබීමට කටයුතු යොදා තිබෙනවා.

අවසන් කටයුතු එළඹෙන 19 වන සෙනසුරාදා පස්වරු 4.00 ට මහයියාව පොදු සුසාන භූමියේ දී සිදු කිරීමට නියමිත බව පවුලේ ඥාතීන් සඳහන් කර සිටිනවා.

Share This Article