නාමල් නැවතත් වැලිකඩට , ලබන 23 වැනිදා දක්වා රිමාන්ඩ්..|Hiru TV Blog

නාමල් නැවතත් වැලිකඩට , ලබන 23 වැනිදා දක්වා රිමාන්ඩ්..

Wednesday, 16 September 2026 - 14:51 | Views - 78

ශ්‍රී ලංකන් ගුවන් සේවයට එයාර්බස් මිලදී ගැනීමේදී සිදුවූ බව කියන මූල්‍ය අක්‍රමිකතා සහ මුදල් විශුද්ධිකරණ සිද්ධිය සම්බන්ධයෙන් අපරාධ පරීක්‍ෂණ දෙපාර්තමේන්තුව ⁣විසින් සැකකරුවෙකු ලෙස නම් කළ පාර්ලිමේන්තු මන්ත්‍රී නාමල් රාජපක්ෂ ලබන 23 වැනිදා දක්වා රක්ෂිත බන්ධනාගාරගත කරන ලෙස කොටුව මහේස්ත්‍රාත් පසන් අමරසේන අද (16) නියෝග කළා.

ඇප ලබා දීම සම්බන්ධයෙන් නියෝග එදිනට ලබා දෙන බවද මහේස්ත්‍රාත්වරයා ප්‍රකාශ කළා.

සිද්ධියට අදාල නඩුව කැඳවු අවස්ථාවේදි අපරාධ පරික්ෂණ දෙපාර්තමේන්තුව විසින් කරන ලද කරුණු දැක්වීමෙන් අනතුරුව මෙම නියෝගය නිකුත් වුණා.

සිද්ධිය සම්බන්ධයෙන් අධිකරණයට කරුණු දක්වමින් නියෝජ්‍ය සොලිස්ටර් ජනරාල් ජනක බණ්ඩාර පවසා සිටියේ මෙම සිද්ධියට අදාලව පාර්ලිමේන්තු මන්ත්‍රී නාමල් රාජපක්ෂ හතරවෙනි සැකකරු ලෙස නම් කරන බවයි.

සිද්ධිය සම්බන්ධයෙන් අධිකරණයට කරුණු දක්වමින් නියෝජ්‍ය සොලිස්ටර් ජනරාල්වරයා පවසා සිටියේ මෙම සිද්ධියට අදාල සැකකරුවන් සම්බන්ධයෙන් නිතිපති උපදෙස් ලැබී ඇති බැවින් අදාල චෝදනා වැඩි ප්‍රමාදයකින් තොරව ගොනු කිරීමට කටයුතු කරන බවයි.

තවද එයාර් බස් සමාගමේ නිලධාරීන් ලංකාවට අවස්ථා කිහිපයකදී පැමිණ ප්‍රකාශ ලබා දී ඇති බවයි.

Share This Article