ඔබත් නිවැරදිව දත් මදිනවාද? එහෙත් ඔබේ මුඛ සෞඛ්‍යය අනතුරේ විය හැකි හේතුව මෙන්න.|Hiru TV Blog

ඔබත් නිවැරදිව දත් මදිනවාද? එහෙත් ඔබේ මුඛ සෞඛ්‍යය අනතුරේ විය හැකි හේතුව මෙන්න.

Monday, 14 September 2026 - 19:06 | Views - 183

දත් මැදීමෙන් පමණක් මුඛයේ සෞඛ්‍යය සම්පූර්ණයෙන්ම ආරක්ෂා වන්නේ නැති බව ඔබ මීට පෙර අසා තිබෙනවාද?

අපගේ මුඛය තුළ බැක්ටීරියා, වෛරස් සහ දිලීර ඇතුළු විවිධ ක්ෂුද්‍ර ජීවී විශේෂ 700ක් පමණ අතිවිශාල ප්‍රජාවක් ජීවත් වනවා.

සීනි අධික ආහාර ලබාගත් විට ඒවායින් මුඛයේ සිටින හානිකර බැක්ටීරියාවන් පෝෂණය වී දත් කුහර ඇතිවන බව රහසක් නෙවෙයි.

විශේෂයෙන්ම ස්ට්‍රේප්ටොකොකුස් (Streptococcus) වැනි බැක්ටීරියා මගින් සීනි අම්ල බවට පත් කර දත්වල ආරක්ෂිත එනමලය සම්පූර්ණයෙන්ම විනාශ කර දමනවා.

මේ හේතුව නිසාම වයස අවුරුදු තිස් ගණන්වල මැද භාගය වන විට ඇමෙරිකානුවන්ගෙන් 80%කට වඩා දත් දිරායාමේ බරපතල ගැටලුවලට මුහුණ දෙන බව වාර්තා වුණා.

නමුත් දත් නිවැරදිව පිරිසිදු නොකළහොත්, දත් සහ විදුරුමස් අතර හැදෙන කුඩා අවකාශයන් තුළ P. ජින්ජායිවලස් වැනි මාරාන්තික බැක්ටීරියාවලට පහසුවෙන්ම වර්ධනය විය හැකි වීම මෙහි ඇති බිහිසුණුම තත්ත්වය වෙනවා.

මෙම බැක්ටීරියා ශරීරගත වීමෙන් හෘද වාහිනී රෝග, මානසික අවපීඩනය, ඇල්සයිමර්, දියවැඩියාව, බඩවැල් ප්‍රදාහයන්, රූමටෝයිඩ් ආතරයිටිස් මෙන්ම නොමේරූ දරු උපත් පවා සිදුවිය හැකි බවට විද්‍යාඥයින් දැඩි ලෙස අනතුරු අඟවනවා.

මුඛයේ සිටින මෙම ක්ෂුද්‍ර ජීවීන්ගේ දුර්වලතා, අග්න්‍යාශය සහ මහ බඩවැලේ පිළිකා ඇතිවීම කෙරෙහි ඍජුවම සම්බන්ධ වන බව පර්යේෂණවලින් තහවුරු වී තිබීම ඊටත් වඩා කම්පනය දනවන කරුණක්.

එමෙන්ම මුඛය තුළ ක්ෂුද්‍ර ජීවීන්ගේ විවිධත්වය අඩුවීම මානසික අවපීඩනය කෙරෙහිද බලපාන බව මෑතකාලීන අධ්‍යයනවලින් හෙළි වී තිබෙනවා.

මෙම මාරාන්තික බැක්ටීරියාවලින් බේරීමට නම් සුදු පාන්, බිස්කට්, කේක් වැනි මුඛයේදී පහසුවෙන්ම සීනි බවට හැරෙන සැකසූ කාබෝහයිඩ්‍රේට් සහ පිෂ්ඨය සහිත ආහාර සීමා කිරීම ඉතාමත් වැදගත්.

ඒ වෙනුවට පලතුරු සහ චීස් වැනි ආහාරවලින් නොසිතන තරමේ ප්‍රතිලාභ හිමිවනු ඇත. චීස් හැපීමෙන් මුඛයේ ඛේටය වැඩි වී දත්වල ඇති අමතර සීනි ඉවත් වන අතර, මුඛය තුළ නිපදවෙන අම්ල සමනය කරමින් එස්. මියුටන්ස් බැක්ටීරියා ප්‍රමාණය අඩු කර හිතකර බැක්ටීරියා වැඩි කරන බව ඉතාලි ජාතික පර්යේෂකයින් සොයාගෙන තිබෙනවා.

එමෙන්ම අමු සුදුළූණු හැපීමෙන් එහි ඇති ඇලිසින් මගින් දත් කුහර සහ විදුරුමස් රෝග හදන බැක්ටීරියා විනාශ වන අතර, තේ පානය සහ ක්‍රැන්බෙරි වැනි තද පැහැති බෙරි වර්ග පානයෙන් දත්වල මැලියම් බැඳීම වැළකී කටේ දුර්ගන්ධයද නැති වී යනවා.

කේල්, නිවිති, බීට්රූට් වැනි කොළ පැහැති එළවළුවල අඩංගු නයිට්‍රේට් ශරීරය තුළදී නයිට්‍රික් ඔක්සයිඩ් බවට පත්වී රුධිර පීඩනය අඩු කරමින් හෘද සෞඛ්‍යය ආරක්ෂා කරන අතර කෙෆීර් වැනි පැසීමට ලක්කළ කිරි වර්ගවලින්ද හානිකර බැක්ටීරියා පාලනය කරගන්න පුළුවන්.

සාමාන්‍ය වෙළඳපොළෙන් ලබාගන්නා මවුත්වොෂ්, විශේෂයෙන්ම ක්ලෝරෙක්සීඩින් අඩංගු ඇතැම් මවුත්වොෂ් භාවිතය මගින් මුඛයේ ක්ෂුද්‍ර ජීවීන්ගේ ස්වභාවික සමතුලිතතාවයට දැඩිව බාධා ඇතිකළ හැකියි.

එම නිසා සම්පූර්ණ ධාන්‍ය, එළවළු සහ පලතුරු පිරුණු සමබල ශාකමය ආහාර වේලක් ලබාගැනීම මුඛ සෞඛ්‍යය මෙන්ම සමස්ත නිරෝගීභාවය රැකගැනීම ඉතාම වැදගත්.