ශ්‍රී ලංකා අභිමානය වෙනුවෙන් සටන් වදින රුමේෂ් තරංග.. මීටර් 90 සීමාව ඉක්මවූ රන් මෙහොතක් උදෙසා අද රාත්‍රියේදී බුඩාපේස්ට් පිටියට..|Hiru TV Blog

ශ්‍රී ලංකා අභිමානය වෙනුවෙන් සටන් වදින රුමේෂ් තරංග.. මීටර් 90 සීමාව ඉක්මවූ රන් මෙහොතක් උදෙසා අද රාත්‍රියේදී බුඩාපේස්ට් පිටියට..

Sunday, 13 September 2026 - 18:17 | Views - 44

ලොව ප්‍රමුඛ පෙළේ ප්‍රබලතම මලල ක්‍රීඩක ක්‍රීඩිකාවන් රැසක් එකම පිටියකදී තරග වදින සුපිරි වර්ල්ඩ් අල්ටිමේට් මලල ක්‍රීඩා ශූරතාවලියේ (World Ultimate Athletics Championship) අවසන් දිනය අද (13) දිනට යෙදී තිබෙනවා.

හංගේරියාවේ බුඩාපේස්ට් නුවර අතිඋත්කර්ෂවත් අයුරින් පැවැත්වෙන මෙම ජාත්‍යන්තර තරගාවලියේ පිරිමි හෙල්ල විසිකිරීමේ සුවිශේෂී ඉසව්ව සඳහා ශ්‍රී ලංකාව නියෝජනය කරමින් සුපිරි ක්‍රීඩක රුමේෂ් තරංග අද (13) රාත්‍රී 9.43ට තරග බිමට පිවිසීමට නියමිතව තිබෙනවා.

මෙවර තරගාවලිය පුරා මීටර් 90 සීමාව සාර්ථකව ඉක්මවා හෙල්ල විසිකරමින් දැවැන්ත දක්ෂතා දක්වා ඇති ලොව එකම ක්‍රීඩකයින් දෙදෙනා වන ශ්‍රී ලංකාවේ රුමේෂ් තරංග සහ ජර්මනියේ ජුලියන් වෙබර් (Julian Weber) මෙම ඉසව්වේදී එකිනෙකා පරයා කරට කර තරග වැදීමට නියමිත වීම මුළු ලෝකයේම අවධානය දිනාගත් විශේෂත්වයක් වනවා.

ඒ අනුව ශ්‍රී ලංකා නාමය ජාත්‍යන්තර මලල ක්‍රීඩා පිටිය තුළ ඉහළින්ම ඔසවා තබමින් ලෝක මට්ටමේ ප්‍රබලතම ක්‍රීඩකයින් සමඟ සිය උපරිම දක්ෂතාවය සහ නිපුණතාව පෙන්වීමට රුමේෂ් තරංගට අද (13) රාත්‍රියේදී තවත් රන් අවස්ථාවක් හිමිවනවා.