තම අනාගත සහකාරිය සොයා ගැනීම වෙනුවන් ලේ පානයකර ප්‍රතිවාදියෙකු සමඟ සටන්කරන ගෝත්‍රික කණ්ඩායමක් පිළිබද පුවතක් විදෙස් මාධ්‍ය වාර්තා කරනවා.

ඉතියෝපියාවේ ජිවත්වන "සූරි" නම් ගෝත්‍රික කණ්ඩායමක් මෙලෙස ලේ පානය කර සටන් කරමින් තම සහකාරිය හිමිකරගන්නා බවයි වාර්තා වන්නේ.

මොවුන් තම අනාගත සහකාරිය හිමිකර ගැනීමේ අරමුණින් ගවයින්ගේ රුධිරය ලීටර් 2ක් පමණ එකවර පානය කරන බව සදහන්.

ඉන් පසුව ඔවුනටම අවේනික වූ "ඩොන්ගා"නැමති සටන් ක්‍රමය යොදාගනිමින් ප්‍රතිවාදියෙකු සමග සටන් කිරීම සිදු කරනු ලබනවා.

ඇතැම් අවස්ථා වලදී මෙම ගැටුම් ඉතා දරුණු අන්දමින් පැවැත්වෙනවා.

සටනින් ජයගන්නා තැනැත්තා හට තමන් කැමති කාන්තාවක් සමග විවාහ වීමේ අවස්ථාව එම ගෝත්‍රියේ නීති වලට අනුව අවස්ථාව ලැබෙන බව සදහන්.

මොවුන් පවසන්නේ ගව ලේ පානය කිරීමෙන් ප්‍රතිවාදී ගෝත්‍රි කණ්ඩායම් සමග කෙරෙන සටන් වලදී තමන්ට ශක්තිය ලැබෙන බවයි.