කොළඹ ප්‍රදේශ රැසක ජනතාවට විශේෂ නිවේදනයක්.. අද රාත්‍රී සිට පැය 24ක ජල කප්පාදුවක්..|Hiru TV Blog

කොළඹ ප්‍රදේශ රැසක ජනතාවට විශේෂ නිවේදනයක්.. අද රාත්‍රී සිට පැය 24ක ජල කප්පාදුවක්..

Thursday, 03 September 2026 - 9:10 | Views - 40

කොළඹ දිස්ත්‍රික්කයේ ප්‍රදේශ රැසකට අද (03) රාත්‍රී 8.00 සිට හෙට (04) රාත්‍රී 8.00 දක්වා පැය 24ක කාලයක් ජල සැපයුම පූර්ණ වශයෙන් අත්හිටුවීමට නියමිත බව ජාතික ජල සම්පාදන හා ජලාපවාහන මණ්ඩලය සඳහන් කළා.

අඹතලේ සිට දෙහිවල දක්වා දිවෙන ප්‍රධාන ජල සම්ප්‍රේෂණ නලයේ බත්තරමුල්ල දියත උයන ආසන්නයේ (පොල්දුව පාලම අසල) සිදුකිරීමට නියමිත අත්‍යවශ්‍ය නඩත්තු සහ අලුත්වැඩියා කටයුත්තක් හේතුවෙන් මෙලෙස ජල සැපයුම අත්හිටුවන බව එම මණ්ඩලය නිවේදනය කර තිබෙනවා.

ඒ අනුව නුගේගොඩ, කොහුවල, දෙහිවල, ගල්කිස්ස, රත්මලාන, මොරටුව, රාවතාවත්ත, සොයිසාපුර, අඟුලාන, ඉඳිබැද්ද, කටුබැද්ද, කල්දෙමුල්ල, මෝදර, කොරලවැල්ල, එගොඩඋයන සහ කටුකුරුන්ද යන ප්‍රදේශවලට මෙම ජල කප්පාදුව සෘජුවම බලපානු ලබනවා.

ඊට අමතරව සෙත්සිරිපාය, හිඹුටාන, උඩුමුල්ල පාර, මාලිගාගොඩැල්ල, බැංකු හන්දිය පාර, ඩබ්ලිව්.ඒ.සිල්වා මාවත, හැව්ලොක් පාර, කල්‍යාණි පාර, කොළඹ 06, රෝහල් වටරවුම් පාර, ජයන්ති මාවත සහ ශාන්ති මාවත යන ප්‍රදේශවලට ද ජල සැපයුම අත්හිටුවීමට සිදුවන බව ජාතික ජල සම්පාදන හා ජලාපවාහන මණ්ඩලය වැඩිදුරටත් සඳහන් කළා.

එබැවින් අදාළ ප්‍රදේශවල පදිංචි ජනතාවට අවශ්‍ය ජලය කලින් රැස්කර තබාගන්නා ලෙස ජල සම්පාදන මණ්ඩලය ඉල්ලා සිටිනවා.