කැකිරාවේ සාදය කඳුළු ගංගාවකින් නිම වෙයි.. පලා ගිය සැකකරු අත්අඩංගුවට ගැනීමට කැකිරාව පොලිසියෙන් මෙහෙයුම්..|Hiru TV Blog

කැකිරාවේ සාදය කඳුළු ගංගාවකින් නිම වෙයි.. පලා ගිය සැකකරු අත්අඩංගුවට ගැනීමට කැකිරාව පොලිසියෙන් මෙහෙයුම්..

Sunday, 23 August 2026 - 16:22 | Views - 49

කැකිරාව, කොට්ටල්බද්ද ප්‍රදේශයේ නිවසක පැවති සාදයක් අතරතුර ඇති වූ ආරවුලක් දුර දිග යෑමෙන් අසල්වැසියෙකු එල්ල කළ තියුණු ප්‍රහාරයකින් පුද්ගලයෙකු අවාසනාවන්ත ලෙස ඝාතනය වී තිබෙනවා.

අද (23) අලුයම කාලයේදී ලද පණිවිඩයකට අනුව කැකිරාව පොලිසිය මගින් වහාම විමර්ශන ආරම්භ කර ඇති අතර, මෙලෙස ඝාතනයට ලක්ව ඇත්තේ කොට්ටල්බද්ද ප්‍රදේශයේම පදිංචිව සිටි 56 හැවිරිදි වියේ පසුවූ පුද්ගලයෙක්.

මරණකරුගේ නිවසේ සංවිධානය කර තිබූ සාදයක් අතරතුරදී අසල්වැසි නිවසක පදිංචි පුද්ගලයෙකු සමඟ ක්ෂණිකව ඇති වූ බහින්බස් වීමක් දුර දිග යෑමෙන් මෙම ඝාතනය සිදු වී ඇති බවයි පොලිස් විමර්ශනවලදී වැඩිදුරටත් අනාවරණය වී තිබෙනවා.

දෙදෙනා අතර ඇති වූ තර්කයේදී උණුසුම් තත්ත්වයක් ගොඩනැගී ඇති අතර, එහිදී අසල්වැසියා විසින් එල්ල කරන ලද තියුණු ප්‍රහාරය හමුවේ බරපතල තුවාල ලැබූ අදාළ පුද්ගලයා එම ස්ථානයේදීම මියගොස් තිබෙනවා.

සිද්ධියෙන් පසුව අදාළ සැකකරු ප්‍රදේශයෙන් පලා ගොස් ඇති අතර, පලා ගිය සැකකරු අත්අඩංගුවට ගැනීම සඳහා කැකිරාව පොලිසිය විසින් පූර්ණ විමර්ශනයක් සහ විශේෂ සෙවුම් මෙහෙයුමක් ආරම්භ කර තිබෙනවා.