ශ්රී ලංකා සංචාරක ක්ෂේත්රයෙන් අතිදැවැන්ත වාර්තාවක්.. වසරේ මේ දක්වා සංචාරකයින් ලක්ෂ 14 පනී.
2026 වසරේ මේ දක්වා කාලය තුළ ශ්රී ලංකාව වෙත පැමිණ ඇති සමස්ත සංචාරකයින් සංඛ්යාව 14 ලක්ෂයේ සීමාව නිල වශයෙන් ඉක්මවා ගොස් ඇති බව ශ්රී ලංකා සංචාරක සංවර්ධන අධිකාරිය (SLTDA) නිවේදනය කර සිටිනවා.
එම අධිකරිය විසින් නිකුත් කරන ලද නවතම දත්ත වාර්තාවලට අනුව, අගෝස්තු මස 13 වනදා වන විට මෙරටට පැමිණ ඇති සමස්ත සංචාරකයින් ප්රමාණය 1,436,926ක් ලෙස සටහන් වී තිබෙනවා.
මෙලෙස පැමිණි සමස්ත සංචාරකයින් අතුරින් වැඩිම පිරිසක් වාර්තා වී ඇත්තේ අසල්වැසි ඉන්දියාවෙන් වන අතර, එම සංඛ්යාව 358,608කි. ඊට අමතරව එක්සත් රාජධානියෙන් (UK) සංචාරකයින් 140,892ක්, චීනයෙන් සංචාරකයින් 94,890ක් සහ ජර්මනියෙන් සංචාරකයින් 83,965ක් ලෙස මෙරටට පැමිණ ඇති බව අදාළ වාර්තාවල වැඩිදුරටත් දැක්වෙනවා.
මෙලෙස සංචාරකයින්ගේ පැමිණීම සැලකිය යුතු ලෙස ඉහළ යාම මෙරට ආර්ථිකයට සහ විදේශ විනිමය උත්පාදනයට විශාල ශක්තියක් වී තිබෙනවා.