"පියා මෙන්ම කලාකරුවන්ට උපරිම සේවය ඉටු කරනවා.." ගායක ගායිකා සංගමයට විපක්ෂ නායක සජිත්ගෙන් ලක්ෂ 5ක පරිත්‍යාගයක්..|Hiru TV Blog

"පියා මෙන්ම කලාකරුවන්ට උපරිම සේවය ඉටු කරනවා.." ගායක ගායිකා සංගමයට විපක්ෂ නායක සජිත්ගෙන් ලක්ෂ 5ක පරිත්‍යාගයක්..

Monday, 10 August 2026 - 10:13 | Views - 38

ශ්‍රී ලංකා ගායක ගායිකා සංගමය විසින් කොළඹ සිනමන් ලේක්සයිඩ් හෝටලයේදී සංවිධානය කරන ලද අරමුදල් රැස්කිරීමේ විශේෂ උත්සවයකට එක්වෙමින් විපක්ෂ නායක සජිත් ප්‍රේමදාස එම සංගමයේ සුබසාධන අරමුදල වෙනුවෙන් රුපියල් ලක්ෂ 5ක (රුපියල් 500,000) මූල්‍ය පරිත්‍යාගයක් සිදු කර තිබෙනවා.

ගායක ගායිකා සංගමයේ නියෝජිතයින් විසින් කරන ලද විශේෂ ඉල්ලීමකට අනුව මූල්‍ය දුෂ්කරතාවලට මුහුණ දෙන ප්‍රවීණ හා නවක කලාකරුවන්ට සහාය වීම සඳහා මෙම මුදල් පරිත්‍යාගය සිදුකර තිබෙනවා.

ශ්‍රී ලංකාවේ කලා ප්‍රජාව රැකගැනීම සහ ඔවුන්ට සහාය වීම ජාතික වගකීමක් බව මෙම අවස්ථාවට එක්වෙමින් අදහස් දැක්වූ විපක්ෂ නායකවරයා සඳහන් කළා.

සංගීතය යනු සෑම විටම මිනිසාට මානසික සැනසිල්ල ලබාදෙන මෙන්ම මානසික ආතතිය දුරු කිරීමට උපකාරී වන ප්‍රබල කාරකයක් බව ද හෙතෙම පෙන්වා දුන්නා.

එමෙන්ම තමන්ගේ පියාණන් වන හිටපු ජනාධිපති රණසිංහ ප්‍රේමදාස මෙන්ම තමා ද ඉදිරියටත් මෙරට කලාකරුවන්ගේ අභිවෘද්ධිය උදෙසා කළ හැකි උපරිම සේවය ඉටු කරන බවට විපක්ෂ නායක සජිත් ප්‍රේමදාස මෙහිදී වැඩිදුරටත් සහතික වුණා.